10.1:213  CONSILIA.  diendus  est,  non  debemus  attendere  quid  aliquis  ante  nos  faciendum  putaverit;  sed  quid,  qui  ante  omnes  est,  Christus  prior  fecerit.  Neque  enim  hominis  consuetudinem  sequi  oportet,  sed  Dei  veritatem.  Haec  certe  apud  modestos  et  placidos  lectores  plena  est  ac  solida  causae  definitio,  ubi  hominum  placitis  in  ordinem  coactis,  et  consuetudine  quamlibet  veteri  abdicata,  Christi  autoritas  sola  eminet.  Vale.  Nonis  Aprilis  1558.  AD  QUAESTIONEM  DE  QUIBUSDAM  ECCLESIAE  RITIBUS.  !)  Confessioni  publicae  adiungere  insignem  aliquam  promissionem,  quae  peccatores  ad  spem  veniae  et  reconciliationis  erigat,  nemo  nostrum  est  qui  non  agnoscat  utilissimum  esse.  Atque  ab  initio  hunc  morem  inducere  volui:  sed  quum  offensionem  quidam  ex  novitate  metuerent,  nimium  facilis  fui  ad  cedendum.  Ita  res  omissa  est.  Nunc  vero  non  esset  opportunum  hic  quidquam  mutare:  quia,  antequam  ad  finem  confessionis  ventum  fuerit,  magna  pars  incipit  surgere.  Quo  magis  optamus,  dum  vobis  integrum  est,  populum  vestrum  ad  utrumque  assuefieri.  In  coena  administranda  aliquando  Pauli  verbis  usus  sum:  sed  quia  apud  singulos  repeti  non  poterant,  quin  longior  mora  iniiceretur  (si  autem  inter  ipsam  recitationem  plures  transirent,  vix  decimus  quisque  assequebatur  quid  vellem,  nemo  percipiebat  integram  sententiam)  desistere  malui.  Iam  vero  singulis  mensibus  coenam  celebrari  maximo  nobis  placeret:  modo  ne  usus  frequentior  negligentiam  pariat.  Nam  dum  maior  pars  a  communione  abstinet,  quodammodo  dissipatur  ecclesia.  Malimus  tamen  singulis  mensibus  invitari  ecclesiam,  quam  quater  duntaxat  in  singulos  annos:  ut  apud  nos  fieri  solet.  Quum  huc  primum  veni,  non  distribuebatur  nisi  ter  quotannis:  et  quidem  ut  inter  coenam  Pentecostes  et  Natalis  Christi,  septem  toti  menses  intercederent.  Mihi  placebant  singuli  menses;  sed  quum  minime  persuaderem,  satius  visum  est  populi  infirmitati  ignoscere,  quam  pertinacius  contendere.  Curavi  tamen  referri  in  acta  publica  vitiosum  esse  morem  nostrum,  ut  posteris  facilior  esset  ac  liberior  correctio.  Cur  coenam  aegrotis  negandam  esse  non  arbitror,  multae  et  graves  causae  me  impellunt.  Video  interea  quam  proclivis  in  multos  abusus  sit  lapsus,  quibus  prudenter  seduloque  occurrendum  esset.  Nisi  enim  sit  communicatio,  perperam  deflectitur  a  sacra  institutione  Christi.  Conveniat  ergo  aliquis  coetus  1)  Epp.  et  Eesponsa  ed.  Genev.  p.  329,  Laus.  p.  625,  Eanov.  p.  704,  Chouet  p.  452,  Amst  p.  206.