1:213  [CO  1.  213]  Quidquid  igitur  humanarum  inventionum  hac  in  parte  ecclesiae  autoritate  defenditur,  cum  ab  impietatis  crimine  excusari  nequeat,  falso  ecclesiae  [OS  242]  id  imputari,  arguere  promptum  est.  Hac  ratione  in  istam  humanarum  traditionum  tyrannidem,  quae  sub  ecclesiae  titulo  superciliose  nobis  ingeritur,  libere  invehimur.  Non  enim,  quod  nostri  adversarii  ad  faciendam  nobis  invidiam  inique  mentiuntur,  ecclesiam  ludibrio  habemus;  sed  obedientiae  laudem,  qua  maiorem  nullam  agnoscit, [p. 437]  illi  tribuimus.  Ipsi  potius  vehementer  sunt  ecclesiae  iniurii,  qui  adversus  Dominum  suum  contumacem  illam  faciunt,  dum  ultra  progressam  fingunt,  quam  per  Dei  verbum  licuerit.  Ut  taceam,  insignem  esse  impudentiam,  cum  pari  malitia  coniunctam,  assidue  de  ecclesiae  potestate  vociferari,  interim  et  quid  illi  a  Domino  mandatum  sit  et  quam  Domini  mandato  obedientiam  debeat,  dissimulare.  At  si  nobis,  ut  par  est,  animus  fuerit,  cum  ecclesia  consentire,  hoc  magis  ad  rem  pertinet,  spectare  ac  meminisse,  quid  nobis  ac  ecclesiae  universae  a  Domino  praecipiatur,  ut  illi  uno  consensu  obediamus.  Non  enim  dubium  est,  quin  cum  ecclesia  optime  consensuri  simus,  si  nos  Domino  per  omnia  obedientes  praestemus.  Verum  habet  ecclesia  amplissimas  promissiones,  quod  nunquam  a  sponso  suo  Christo  sit  deserenda,  quin  eius  spiritu  ducatur  in  omnem  veritatem.  Principio,  quascunque  promissiones  allegare  solent,  non  minus  singulis  fidelibus  datae  sunt,  quam  toti  fidelium  populo.  Nam  tametsi  duodecim  apostolis  loquebatur,  cum  dicebat  Dominus:  ecce  ego  vobiscum  sum,  usque  ad  consummationem  saeculi  (Matth.  ult.);  item  (Ioan.  14):  ego  rogabo  patrem  et  alium  consolatorem  dabit  vobis,  ut  maneat  vobiscum  in  aeternum,  spiritum  veritatis,  quem  mundus  non  potest  accipere, [p. 438]  quia  non  videt  eum,  nec  scit  eum;  vos  autem  cognoscitis  eum,  quia  apud  vos  manet  et  in  vobis  erit:  non  tamen  numero  duodenario  id  promittebat,  sed  illis  singulis  et  aliis  etiam  discipulis,  vel  quos  iam  assumpserat,  vel  quos  postea  erat  assumpturus  in  suum  regnum.  Cum  autem  huiusmodi  promissiones  eximiae  consolationis  plenas  sic  interpretantur,  quasi  nemini  Christianorum  data  sint,  sed  universae  simul  ecclesiae,  quid  aliud  quam  Christianis  omnibus  consolationem  tollunt,  quae  inde  ad  ipsos  redire  debuerat?  Neque  hic  nego,  quin  Dominus,  dives  in  omnes  misericordia  et  bonitate,  in  quosdam  tamen  singulariter  largius  se  et  locupletius  effundat  (ut  necesse  est  eos,  qui  aliis  doctores  constituti  sunt,  maioribus  pollere  donis)  non,  quin  ipsa  sua  dona,  ut  varia  sunt  et  multiplicia,  varie  distribuat  (1  Cor.  12);  non  denique,  quin  ipsa  piorum  societas,  tali  donorum  varietate  instructa,  longe  uberiori  et  ampliori  coelestis  sapientiae  thesauro  praedita  sit,  quam  seorsum  singuli;  sed  quia  illis  con-  [OS  243]  cedendum  non  est,  ut  istaec  Domini  verba