8:212  conditum  mundum  elegit,  eosdem  vocat.  Item  5.  cap.:  Quantum  ad  immutabile  Dei  consilium,  quicunque  ante  creatum  mundum  electi  sunt  perire  non  possunt,  et  quos  reiecit,  ii  salutem  nequeunt  consequi.  Imo  duram  sententiam  attexit:  hoc  esse  verum,  etiamsi  omnia  sanctorum  opera  facerent.  In  Acta  quoque  apostol,  homil.  72:  Quum  omnes  damnati  simus,  si  Deus  quosdam  ad  salutem  eligit,  id  misericordiae  indebitae,  si  alios  exitio  destinat,  non  crudeli  iniustitiae,  sed  iusto  iudicio  imputandum  est.  Bullingero  non  levem  iniuriam  facit,  quandoquidem  1.  ad  Hom.  cap.  clare  pronunciat,  Deum  voluisse  ostendere  utrumque  esse  suae  potestatis,  vivificare  et  occidere,  eligere  et  reiicere,  secundum  propositum  suum  et  liberam  electionem.  Item  1.  ad  Timoth,  cap.  2  sicuti  superiore  loco  Augustini  sententiae  subscribit.  Contra  ministri  verbi  non  unum  aut  alterum  qui  doctrinae  suae  suffragentur  obiiciunt,  sed  quotquot  nostro  saeculo  fidelem  operam  impenderunt  Christo  in  evangelii  instauratione.  1)  Quaesierunt  ex  Hieronymo:  Annon  in  caecitate  sua  maneant  quos  Deus  non  elegit,  quia  ab  ipso  reprobati  sunt,  ideoque  eius  spiritu  non  illuminantur  in  fidem  ?  Respondit  Hieronymus:2)  Qui  ad  fidem  non  perveniunt,  non  manere  in  sua  caecitate  ob  naturae  corruptionem,  quia  debita  gratia  Dei  illuminantur,  quae  secundum  Paulum  eo  abundantius  datur,  quo  magis  peccatum  abundat.  Qui  vero  dicunt  ipsos  in  sua  caecitate  deseri  a  Deo  quia  ita  illi  videtur,  Deum  contumelia  afficiunt  ac  perperam  scripturam  exponunt  Ex  quorum  numero  est  Calvinus.  Excipiunt  ministri:  Hanc  quoque  esse  damnatam  haeresim  quod  reprobi  ob  naturae  corruptionem  in  caecitate  non  maneant.  Nam  huiusmodi  testimoniis  referta  est  scriptura,  nos  omnes  esse  caecos  et  ignorantia  obrutos  teneri,  mentem  nostram  in  tenebris  demersam,  1)  restauratione  al.  2)  Alios  minime  remanere  in  caecitate  ac  corruptione  suae  naturae,  imo  satis  illuminari  per  gratiam,  quae,  ut  P.  ait,  hoc  abundantius  offertur  quo  abundat  peccatum  magis;  eosque  qui  asserunt  se  derelinqui  a  Deo  in  sua  caecitate,  eo  quod  ipse  ita  voluerit,  afficere  Deum  vituperio,  nec  satis  intelligere  scripturam,  nam  contra  eandem  loquuntur.  E  quorum  numero  est  dictus  Calvinus.