7:212  tion  qui  vient  du  coste  des  hommes:  mais  veulent  que  tout  passe  soubz  le  tiltre  de  vocation.  Ainsi  selon  leur  theologie,  si  un  gentil-homme  est  insolent,  ou  dissolu  en  paillardise,  s'il  est  abandonne  a,  pompe  et  vanite,  s'il  est  deborde  en  toute  follie,  il  n'y  a  que  redire.  Car  sa  vocation  le  porte.  [page  154]  Pourquoy?  On  se  gouverne  ainsi  au  monde.  Comme  si  la  coustume  des  hommes  changeoit  la  iustice  de  Dieu.  Si  un  homme  de  iustice  vent  le  droit  a  beaux  deniers  contans,  s'il  supporte  l'un  pour  grever  l'autre,  s'il  opprime  la  bonne  cause  pour  favoriser  a  celuy  qui  a  tort,  il  n'est  point  a  blasmer.  Car  c'est  raison  que  chacun  suyve  le  train  de  sa  vocation.  Si  les  marchans  destruisent  le  monde  par  monopoles,  s'ilz  contrefont  et  desguisent  les  marchandises,  s'ilz  se  periurent  a  chacune  heure  pour  frauder  et  circonvenir,  s'ilz  pillent  et  mangent  tout  ce  qu'ilz  peuvent  attrapper:  que  nul  n'en  parle.  Car  c'est  blasphemer1)  la  vocation  de  Dieu.  Qui  penseroit,  ie  vous  prie,  qu'un  propos  tant  execrable  deust  sortir  de  la  bouche  d'un  homme,  ou  qu'un  homme  fust  tant  hors  du  sens,  qu'il  osast  mettre  en  avant  choses  tant  absurdes  et  vilaines?  Toutesfois  ilz  s'y  glorifient,  comme  si  c'estoit  une  belle  subtilite.  Le  troisiesme  poinct  est,  que  toute  inclination  qui  est  en  l'homme  [page  155]  soit  de  nature  ou  de  mauvaise  coustume,  est  vocation  de  Dieu.  Comme  si  un  homme  est  enclin  a  yvrognerie,  il  n'est  loisible  de  le  vituperer  en  cela.  Car  il  y  est  appelle.  Si  quelqu'un  de  nature  est  friant  au  ieu,  passe.  Car  il  ne  convient  point  le  retirer  de  sa  vocation.  Brief,  ilz  veullent  que  chacun  ait  son  appetit  pour  reigle:  et  que  le  cueur  de  l'homme  soit  le  maistre  de  sa  vocation,  selon  qu'il  le  poulse.  De  ceste  source  est  sorty  le  plus  villam  macquerelage  dont  iamais  on  ouyt  parler  au  monde.  C'est  qu'ilz  donnent  conge  a  l'homme  ou  a  la  femme,  de  s'accoupler  a  telle  partie  que  bon  luy  semblera.  Ilz  appellent  cela  mariage  spirituel,  quand  l'un  se  contente  de  l'autre.  Si  donc  un  homme  ne  prent  point  plaisir  a  sa  femme:  selon  leur  opinion,  il  se  peut  provoir  ailleurs  ou  il  pourra  trouver  son  cas.  Cependant,  a  fin  que  la  femme  ne  demeure  desproveue,  ilz  luy  donnent  bien  aussi  conge  de  chercher  condition,2)  et  de  la  prendre,  par  tout  ou  elle  luy  sera  offerte.  [page  156]  Si  quelqu'un  demande:  Que  sera-ce  donc  des  mariages,  qu'on  estime  indissolubles,  s'il  est  licite  de  les  retracter  ainsi  a  la  volee?  Ilz  disent  qu'un  mariage  contracte  et  solennise  devant  les  hommes,  est  charnel,  sinon  qu'il  y  ait  bonne  convenance  d'espritz:  et  pourtant,  que  Thomme  Chrestien  n'y  est  point  oblige:  mais  quand  1)  blasmer  1611,  2)  conditionem  meliorem.