52:212  per  nomen  :  ac  si  esset  obtestatio.  Quod  ego  tametsi  non  omnino  reiicio,  tamen  potius  existimo  particulam  i  n  esse  supervacuam,  ut  plurimis  aliis  locis  :  idque  ex  usu  linguae  hebraicae.  Ita  sensus  erit,  praeceptionem  hanc  non  ut  ab  homine  mortali,  sed  a  Christo  ipso  profectam,  reverenter  debere  excipi.  Atque  ita  Chrysostomus  interpretatur.  Porro  subductio  haec,  de  qua  loquitur,  non  ad  publicam  excommunicationem  pertinet,  sed  ad  consuetudinem  privatam.  Yetat  enim  simpliciter,  ne  quid  familiaritatis  habeant  fideles  cum  eiusmodi  fucis  qui  nullum  habent  honestum  vitae  genus  in  quo  se  exerceant.  Nominatim  vero  dicit,  ab  omni  fratre:  quia  si  Christianos  ee  profitentur,  minime  omnium  sunt  tolerabiles:  quia  sunt  veluti  religionis  probra  et  maculae.  Non  iuxta  institutionem.  Nempe  quam  mox  subiiciet,  ne  cibus  detur  laborem  recusanti.  Sed  antequam  huc  veniat,  quale  illis  exemplum  in  se  praebuerit,  refert.  Nam  multo  plus  fidei  et  autoritatis  obtinet  doctrina,  quum  nihil  aliud  imponimus  oneris  aliis,  quam  in  nos  suscipimus  ipsi.  Commemorat  autem  se  dies  et  noctes  fuisse  in  opere  manuario,  ne  quem  sumptibus  gravaret.  Qua  de  re  aliquid  etiam  priore  epistola  attigerat,  unde  petenda  lectoribus  est  plenior  huius  rei  explicatio.  Quod  se  panem  ullius  gratis  comedisse  negat:  certe  etiamsi  manibus  non  laborasset,  non  erat  id  facturus.  Neque  enim  gratuitum  est  quod  iure  debetur,  et  laboris,  quem  ecclesiae  impendunt  doctores,  longe  maius  est  pretium  quam  victus,  quem  ab  ea  recipiunt.  Sed  hic  Paulus  inconsideratos  homines  respexit.  Neque  enim  tantum  est  in  omnibus  aequitatis  ac  iudicii,  ut,  quae  verbi  ministris  debeatur  merces,  agnoscant.  Quin  potius  ea  est  quorundam  malignitas,  ut  etiamsi  nihil  de  suo  conferant,  victum  tamen  illis  invideant,  tanquam  otiosis  hominibus.  Et  mox  satis  declarat  se  proprio  iure  cessisse,  quum  a  stipendio  abstinuit.  Quo  significat  multo  minus  ferendum  esse,  ut,  qui  nihil  agunt,  de  alieno  vivant.  Quum  ipsos  scire  dicit  quomodo  imitari  se  oportet,  non  simpliciter  contendit,  exemplum  suum  legis  instar  debere  haberi:  sed  sensus  est,  eos  tenere  quid  imitatione  dignum  spectaverint:  imo  hoc  ipsum,  de  quo  nunc  agitur,  propositum  ad  imitationem  fuisse.  9.  Non  quod  non  habeamus.  Quemadmodum  labore  suo  exemplum  edere  Paulus  voluit  ne  alienum  panem  ignavi  homines  tanquam  fuci  ederent:  ita  illud  idem  nocere  verbi  ministris  noluit,  ut  eos  legitimo  victu  fraudarent  ecclesiae.  In  quo  perspicitur  singularis  eius  moderatio  et  humanitas:  et  quam  procul  ab  eorum  ambitione  abfuerit  qui  in  hoc  abutuntur  suis  virtutibus,  ut  fratrum  ius  imminuant.  Periculum  erat  ne  Thessalonicenses,  quia  gratuitam  initio  praedicationem  evangelii  habuerant  ex  Pauli  ore,  legem  in  posterum  statuerent  aliis  ministris:  211