51:212  admonitionem,  et  omnia  salutis  adminicula  gratiae  nomine  intelligit.  30.  M  ne  contristetis.  Quum  spiritus  sanctus  habitet  in  nobis,  omnes  tam  animae  quam  corporis  nostri  partes  illi  sacras  esse  oportet.  Quod  si  nos  prostituimus  ad  aliquod  inquinamentum,  iam  illum  quasi  ex  suo  hospitio  eiicimus.  Id  quo  familiarius  exprimat,  tribuit  spiritui  sancto  humanos  affectus,  gaudium  et  tristitiam.  Date,  inquit,  operam  ut  spiritus  sanctus  libenter  in  vobis  habitet,  quasi  in  domicilio  laeto  ac  iucundo:  nec  ullam  tristitiae  materiam  illi  date.  Quidam  secus  exponunt,  quod  spiritum  Dei  contristemus  in  aliis,  dum  pios  fratres,  qui  spiritu  Dei  aguntur,  offendimus  obscoeno  sermone,  vel  aliis  modis.  Nam  piae  aures  quidquid  pietati  adversum  est,  non  modo  respuunt,  sed  quum  tale  quid  audiunt,  gravi  dolore  vulnerantur.  At  quod  sequitur,  ostendit  aliam  fuisse  mentem  Pauli.  Quo  o  b  s  i  g  n  a  t  i  e  s  t  i  s  ,  inquit.  Quia  ergo  spiritu  nos  suo  Deus  obsignavit,  illi  sumus  molesti  dum  non  sequimur  eius  ductum,  sed  profanis  affectibus  nos  polluimus.  Non  potest  satis  pro  dignitate  explicari  sententiae  huius  gravitas:  quod  spiritus  sanctus  gaudet  atque  hilaris  est  in  nobis  dum  illi  nos  morigeros  per  omnia  praebemus,  nihil  cogitamus  aut  loquimur  nisi  purum  et  sanctum:  quod  rursus  afficitur  moerore  quoties  aliquid  vocatione  nostra  indignum  admittimus.  Nunc  reputet  apud  se  quisque  quam  horrenda  sit  impietas,  spiritum  Dei  pungere  ea  tristitia  ut  a  nobis  tandem  discedere  cogatur.  Apud  Iesaiam,  capite  63,10,  eadem  est  loquendi  forma,  sed  diverso  sensu.  Propheta  enim  exacerbare  Dei  spiritum  simpliciter  dixit,  quemadmodum  dicere  solemus,  hominis  animum.  Quo  obsignati.  Eat  enim  spiritus  Dei  quasi  sigillum  quo  a  reprobis  discernimur:  et  quod  impressum  est  cordibus  nostris,  ut  certa  sit  nobis  adoptionis  gratia.  Addit  in  diem  redemptionis:  hoc  est,  donec  in  haereditatis  promissae  possessionem  nos  Deus  inducat.  Solet  enim  vocari  dies  ille  redemptionis,  quia  tunc  demum  e  miseriis  omnibus  eximexnur.  De  utraque  loquutione  iam  satis  alibi  dictum  est,  ac  praesertim  ad  Rom.  capite  8,  23,  de  secunda.  De  priore  vero  1  ad  Corinthios  capite  1,  30.  Nisi  quod  verbum  obsignandi  aliter  hic  exponi  potest:  nempe  quod  Deus  spiritum  quasi  notam  suam  nobis  impresserit,  ut  in  filiis  suis  censeat  quoscunque  videt  ita  signatos.  31.  Omnis  amarulentia.  Quemadmodum  iracundiam  prius  damnavit,  ita  nunc  eandem  sententiam  repetens,  simul  coniungit  accidentia,  quae  eam  comitari  fere  solent:  ut  sunt  clam  osae  contentiones  et  convitia.  Inter  opy*)V  xal  ih)|AOv  parum  est  discriminis:  nisi  quod  hoc  interdum  ad  potentiam,  illud  vero  ad  actum  refertur.  Hic  autem  nihil  differunt,  nisi  in  priore  dicamus  magis  subitum