29:212  lement  qu'apres  son  trespas  il  n'y  est  point  venu  Prophete  pareil  en  Israel.  Tous  ont  ebte  comme  expositeurs  de  la  Loy,  mais  cependant  il  a  eu  comme  la  principalle  authorite.  Apres,  nous  savons  comme  Dieu  avoit  besongne  par  luy,  qu'il  avoit  retire  le  peuple  de  la  servitude  d'Egypte:  qu'il  l'avoit  entretenu  par  l'espace  de  quarante  ans  au  desert:  mesmes  il  avoit  este  ravi  en  la  montagne,  pour  publier  la  Loy,  et  avoit  la  demeure  quarante  iours  et  quarante  nuicts  sans  boire  ni  sans  manger,  vivant  comme  un  Ange  de  paradis,  qu'il  n'estoit  plus  subiet  a  nulle  condition  mortelle  :  car  nous  savons  que  les  hommes,  s'ils  n'ont  nourriture,  ne  peuvent  pas  subsister.  Voila  donc  Moyse  qui  avoit  este  ravi  a  la  gloire  celeste.  Apres,  quand  il  vient  au  peuple,  il  a  les  rayons  en  son  visage,  qu'on  ne  le  peut  point  regarder  non  plus  que  le  soleil:  que  la  clarte  de  Dieu  se  monstre  la  tellement,  que  le  peuple  en  est  estonnes  et  faut  qu'il  mette  un  voile  devant  son  visage,  pour  monstrer  qu'il  n'est  plus  homme  cummun,  qu'il  ne  doit  point  estre  repute  comme  auparavant.  Quand  donc  Moyse  a  fait  des  choses  si  memorables,  et  que  Dieu  l'a  tant  honore:  il  n'y  a  nul  doute  que  le  peuple  n'eust  este  induit  a  quelque  superstition,  et  qu'il  eust  voulu  faire  de  son  corps  une  idole.  Voila  donc  pourquoy  le  corps  est  cache,  et  Dieu  ne  veut  point  qu'on  l'appercoive.  Or  nous  avons,  une  admonition  bien  utile  en  ce  passage,  c'est  qu'en  premier  lieu  nous  sommes  ici  admonnestez  combien  il  y  a  de  fragilite  en  nous,  si  ce  n'est  que  Dieu  nous  tienne  en  bride:  et  sur  tout  nostre  nature  est  tant  adonnee  a  superstitions,  qu'il  faut  que  Dieu  nous  corrige  d'un  tel  vice  quasi  par  force.  Tenons-nous  donc  suspects  en  cest  endroit,  et  cognoissons  que  nous  avons  besoin  d'oster  tous  obiects  et  toutes  choses  qui  nous  pourroyent  desbaucher  a  idolatrie,  d'autant  que  desia  nous  y  sommes  par  trop  adonnez.  Voila  pour  un  item.  Or  si  cela  eust  este  bien  cogneu  des  hommes,  iamais  la  confusion  n'eust  este  si  grande,  ne  si  horrible  comme  on  la  voit  en  la  papaute.  Pourquoy  est-ce  que  les  papistes  sont  si  ardens  apres  leurs  idoles  et  marmousets?  et  pourquoy  se  sontils  donne  une  telle  licence  d'en  remplir  leurs  temples,  et  de  n'avoir  ne  fin  ne  mesure,  qu'ils  se  sont  bastis  tant  d'autels  et  de  chapelles,  tant  d'images  et  de  peintures?  c'est  que  nous  n'avons  point  cogneu  ce  qui  nous  est  ici  monstre,  c'est  assavoir,  si  tost  que  les  hommes  ont  quelque  petite  occasion  d'idolatrer,  les  voila  ravis,  et  ils  sont  comme  forcenez.  Ils  n'ont  point  cogneu  cela:  il  leur  semble  qu'ils  pouvoyent  bastir  des  autels,  faire  des  images,  qu'ils  pouvoyent  remplir  tout  de  ceste  infection  d'idolatrie,  et  cependant  qu'il  n'offenseroyent  point  Dieu.  Ils  se  sont  fait  accroire  cela:  mais  ils  ont  monstre  par