27:212  monde,  que  nous  serons  recueillis  a  soy,  pour  iouir  de  la  perfection  des  biens  qu'il  nous  fait  seulement  gouster  comme  par  esperance.  Il  nous  faut  donc  noter  cela,  et  voyant  nostre  malice,  que  nous  sommes  si  pervers  que  nous  ne  cessons  de  nous  esgarer,  et  d'extravaguer  ca  et  la,  que  nous  recourions  a  luy,  et  que  nous  cognoissions  que  ce  n'est  point  assez  qu'il  nous  declaire  de  voix  ce  qu'il  demande,  que  cela  soit  escrit  en  papier  ou  en  parchemin:  mais  il  faut  qu'il  l'escrive  en  nos  coeurs.  Voyans  donc  que  nous  sommes  si  pervers  de  nous  desbaucher,  et  destourner  du  droit  chemin:  que  nous  prions  nostre  bon  Dieu  qu'il  nous  retienne  par  son  sainct  Esprit,  voire  en  telle  sorte,  que  combien  qu'auiourd'huy  nous  voyons  les  choses  estre  en  horrible  dissipation,  que  nous  soyons  esmeus  quand  nous  voyons  l'estat  present  du  monde,  que  toutesfois  nous  ne  laissions  pas  de  tousiours  nous  tenir  sous  sa  main,  et  sous  sa  conduite:  et  quand  nous  le  ferons,  il  est  certain  que  nous  pourrons  desfier  tout  ce  que  les  incredules  machineront  contre  nous.  Car  s'ils  nous  mesprisent,  s'ils  nous  reiettent,  et  ont  en  abomination  :  et  bien,  si  est-ce  que  nous  sommes  asseurez  que  Dieu  ne  nous  a  point  donne  sa  parolle  en  vain,  et  que  quand  nous  adherons  a  icelle,  si  on  y  trouve  a  redire,  que  luy  il  s'en  contente,  et  que  nous  serons  absouts,  et  iustifiez  devant  luy,  et  devant  ses  anges,  quand  le  monde  nous  aura  condamne.  Voila  donc  comme  nous  pourrons  cheminer  en  certitude,  et  en  telle  esperance,  que  combien  que  nous  voyions  des  scandales  a  l'entour  de  nous,  iamais  nous  ne  serons  divertis  du  bon  chemin:  et  cependant  nous  aurons  aussi  cela  tout  asseure  pour  nous,  que  nostre  Seigneur  nous  tiendra  en  sa  protection:  quoy  que  les  supposts  de  Satan  machinent,  combien  que  mesmes  le  diable  face  tous  ses  efforts  pour  nous  ruiner,  que  d'autant  que  nous  sommes  sous  l'ombre  de  nostre  Dieu,  que  nous  avons  sa  benediction,  laquelle  il  a  imprimee  en  nous,  qu'il  ne  nous  faut  point  craindre  qu'il  ne  continue  de  iour  en  iour:  et  combien  que  nous  voyions  des  changemens  et  revolutions  en  ce  monde,  que  nous  ne  pourrons  tomber  que  sur  nos  pieds,  moyennant  que  nostre  Seigneur  nous  soustienne  tousiours,  et  qu'il  soit  nostre  appuy.  LE  SIXIESME  SERMON  SUR  LE  CHAP.  XII.  V.  29.32.  DU  IEUDI  IOE  D'OCTOBRE  1555.  Quand  nous  oyons  que  Moyse  advertit  les  Iuifs  de  ne  se  point  destourner  du  droit  service  de