1:212  [CO  1.  212]  lone,  Christi  ecclesia  a  satanae  coniuratione,  hoc  discrimine  distinguenda  est,  quo  eas  inter  se  Christus  distinxit.  Qui  ex  Deo  est,  inquit  (Ioan.  8),  verba  Dei  audit;  propterea  non  auditis,  quia  ex  Deo  non  estis.  In  summa:  cum  ecclesia  regnum  sit  Christi,  regnet  autem  non  nisi  per  verbum  suum,  an  ullis  iam  obscurum  [OS  241]  erit,  quin  illa  mendacii  verba  sint,  quibus  Christi  regnum  absque  eius  sceptro,  id  est,  sacrosancto  verbo  esse  fingitur?  Quod  si  detractis  larvis  ac  fucis  omnibus,  id  vere  (quod  nobis  curae  in  primis  esse  debet,  ac  nostra  etiam  potissimum  refert)  intuemur,  qualem  scilicet  habere  sibi  ecclesiam  velit  Christus,  ut  ad  ipsius  regulam  nos  formemus  ac  comparemus,  facile [p. 435]  nobis  constabit,  ecclesiam  non  esse,  quae  praeteritis  verbi  Dei  finibus,  ferendis  novis  legibus  et  nova  religionis  specie  excogitanda,  lascivit  ac  luxuriat.  An  non  enim  illa  semel  ecclesiae  dicta  lex  aeterna  manet?  Quod  praecipio  tibi,  id  observabis  ut  facias,  non  addes  quidquam,  neque  detrahes  (Deut.  12),  et  alibi:  non  addas  ad  verbum  Domini,  neque  minuas  ex  eo:  ne  te  forte  arguat  inveniarisque  mendax  (Prov.  30).  Id  cum  ecclesiae  dictum  negari  non  possit,  quid  aliud  quam  ipsius  contumaciam  praedicant,  qui  post  talia  interdicta  addere  nihilominus  et  admiscere  de  suo,  verbo  Dei,  ansam  fuisse  iactant?  Absit  autem  ut  eorum  mendaciis  assentiamur,  quibus  tantam  ecclesiae  contumeliam  irrogant.  Sed  falso  ecclesiae  nomen  praetendi  intelligamus,  quoties  de  ista  humanae  temeritatis  libidine  agitatur,  quae  sese  intra  verbi  Dei  praescripta  continere  non  potest,  quin  procaciter  exultet,  ac  in  suas  inventiones  excurrat.  Nihil  in  verbis  istis  involutum,  nihil  obscurum,  nihil  ambiguum,  quibus  addere  verbo  Dei  aut  detrahere  quidquam  vetatur  universa  ecclesia,  cum  de  Domini  cultu  et  religione  agitur.  Non  a  semetipso  degeneravit  Dominus,  qui  nulla  re  tantopere  se  offendi  iam  pridem  declaravit,  quam  dum  humanis  inventionibus  colitur.  Unde  illae  apud  prophetas  praeclarae [p. 436]  voces,  quae  auribus  nostris  continenter  insonare  debuerant  (Ier.  7):  non  sum  locutus  cum  patribus  vestris,  neque  praecepi  eis,  quo  die  eduxi  eos  de  terra  Aegypti,  verba  de  holocausto  et  sacrificio,  sed  hoc  verbum  praecepi  eis,  dicens:  audite  vocem  meam  et  ero  vobis  Deus  et  eritis  mihi  populus,  et  ambulabitis  in  omni  via  quam  mandavero  vobis;  item  (Ier.  11):  contestando  contestatus  sum  patres  vestros,  audite  vocem  meam.  Aliique  eiusdem  generis.  Sed  haec  in  primis  ac  prae  aliis  omnibus  insignis  (1  Sam.  15):  numquid  vult  Dominus  holocausta  et  victimas  et  non  potius  ut  obediatur  voci  Domini?  Melior  est  enim  obedientia  quam  victimae,  et  auscultare  magis,  quam  offerre  adipem  arietum.  Quoniam  quasi  peccatum  ariolandi,  repugnare,  et  quasi  idololatriae  iniquitas,  non  acquiescere.