55:211  211  EPIST.  PETRI  I  212  periculum.  Nisi  enim  in  manu  Dei  esset,  infinitis  periculis  esset  obnoxia:  si  esset  in  hoc  mundo,  quomodo  securi  esse  possemus  inter  tam  varias  inclinationes?  Ergo  ut  nos  omni  trepidatione  liberet,  salutem  nostram  extra  Satanae  iniurias  in  tuto  positam  esse  affirmat.  Sed  quia  salutis  certitudo  parum  nobis  afferret  consolationis,  nisi  eam  unusquisque  nostrum  ad  se  pertinere  sciret,  addit  Petrus,  erga  vos.  Huc  enim  placide  recumbunt  conscientiae,  quum  Dominus  e  coelo  clamat,  En  vestra  salus  in  manu  mea  est,  vobisque  servatur.  Caeterum  quia  non  omnium  promiscue  est  salus,  ad  fidem  nos  revocat:  ut  quicunque  fide  praediti  sunt,  a  reliquis  se  discernant:  nec  dubitent  quin  veri  ac  legitimi  sint  regni  Dei  haeredes.  Nam  ut  fides  in  coelos  usque  penetrat:  ita  et  quae  in  coelo  sunt  bona,  nobis  applicat.  5.  Qui  virtute  Dei  custodimini.  Notanda  est  relatio,  quum  dicit,  nos  in  mundo  custodiri,  sicuti  haereditas  nostra  in  coelo  servatur:  alioqui  statim  obreperet  haec  cogitatio,  Quid  iuvat  salutem  nobis  esse  in  coelo  repositam,  quum  nos  in  mundo  tanquam  in  turbulento  mari  iactemur?  Quid  iuvat  salutem  nostram  statui  in  tranquillo  portu,  quum  inter  mille  naufragia  fluctuemur?  Praevenit  igitur  apostolus  eiusmodi  obiectiones,  quum  docet  nos  etiam  in  mundo  inter  media  discrimina  fide  tamen  custodiri:  atque  ita  morti  esse  propinquos  ut  tamen  sub  fidei  custodia  tuti  simus.  Caeterum  quia  in  hac  carnis  infirmitate  saepe  labascit  ipsa  fides,  possemus  semper  esse  de  crastino  anxii:  nisi  hic  nobis  quoque  Dominus  succurreret.  Ac  videmus  ut  in  papatu  obtinuerit  diabolica  opinio,  De  finali  perseverantia  dubitandum  esse,  quia  incerti  sumus  an  staturi  cra8simus  in  eadem  gratia.  Atqui  non  ita  nos  Petrus  suspensos  relinquit:  nam  ideo  virtute  Dei  stare  nos  affirmat,  ne  qua  ex  propriae  infirmitatis  conscientia  haesitatio  nos  sollicitet.  Quamlibet  igitur  infirmi  simus,  salus  tamen  nostra  non  est  instabilis,  quia  Dei  virtute  fulcitur.  Ergo  sicuti  fide  protegimur,  ita  fides  ipsa  suam  in  Dei  virtute  stabilitatem  habet.  Unde  non  in  praesens  modo,  sed  etiam  in  futurum  securitas.  In  salutem.  Quia  natura  impatientes  sumus,  morae  et  statim  taedio  succumbimus:  ideo  salutem  admonet  non  differri  quod  nondum  parata  sit,  sed  quia  nondum  advenerit  iustum  revelationis  tempus.  Haec  doctrina  ad  spem  nostram  alendam  ac  sustinendam  pertinet.  Porro  ultimum  tempus  diem  iudicii  vocat,  quia  non  ante  speranda  sit  rerum  omnium  instauratio.  Medium  enim  tempus  est  adhuc  in  progressu.  Quod  alibi  totum  a  Christi  adventu  tempus  ultimum  dicitur,  id  fit  superiorum  aetatum  comparatione:  Petrus  autem  totum  mundi  curriculum  adspexit.