51:211  211  EPIST.  PAULI  AD  EPHESIOS  212  aliis.  Primum  regula  liaec  nobis  praescribitur,  ne  quis  fratrum  iactura  commodum  suum  procuret:  sed  honesto  labore  vitam  toleret.  Deinde  caritas  ulterius  nos  adducit,  ut  non  sibi  quisque  seorsum  vivat,  aliis  praeteritis  :  sed  alii  aliorum  necessitatibus  sublevandis  se  impendant.  Sed  quaeritur  an  Paulus  necessitatem  omnibus  imponat  manibus  laborandi.  Nimis  enim  hoc  (lurum  esset.  Respondeo,  simplicem  esse  sensum  verborum,  si  quis  rite  expendat.  Nam  ubi  fraudare  quemquam  prohibuit,  quia  multi  causantur  inopiam:  eiusmodi  obiectionem  ut  praeveniat,  potius  laborandum  esse  manibus,  docet.  .  Ac  si  diceret,  Tibi  nulla  recusanda  est  conditio,  quantumvis  dura  et  molesta,  quo  nemini  sis  iniurius:  neque  id  modo,  sed  ut  succurras  fratrum  necessitati.  Hoc  autem  posterius  membrum  non  parum  amplificat:  nam  argumentum  continet  a  maiori  ad  minus.  Quod  bonum  est.  Quoniam  multa  sunt  opificia,  quae  voluptatibus  etiam  parum  castis  serviunt,  commendare  etiam  hoc  voluit  ut  labores  deligamus  qui  utilitatem  proximis  nostris  afferant.  Nec  mirum:  nam  si  eiusmodi  voluptuarias  artes,  quae  nihil  quam  corruptelas  gignere  queunt,  ethnici  quoque  ipsi  ignominia  notandas  duxerunt,  ut  Cicero:  an  eas  Christi  apostolus  inter  legitimas  Dei  vocationes  censeret?  29.  Omnis  sermo  spurcus  ex  ore  vestro  non  procedat:  sed  si  quis  est  bonus  ad  aedificationem  usus,  nt  det  gratiam  audientibus.  30.  Et  ne  contristetis  spiritum  sanctum  Dei,  quo  obsignati  estis  in  diem  redemptionis.  31.  Omnis  amarulentia,  et  indignatio,  et  ira,  et  clamor,  et  maledicentia  removeatur  a  vobis  cum  omni  malitia.  29.  Omnis  sermo.  Primum  ex  fidelium  sermonibus  omnem  spurcitiam  removet.  Quo  nomine  comprehendit  amatorias  omnes  illecebras,  quae  libidine  inficere  solent  hominum  animos.  Deinde  non  contentus  vitium  sustulisse,  praecipit  ut  sint  ad  aedificationem  compositi.  Quemadmodum  ad  Coloss.  (4,  6),  Sermo  vester  sale  sit  conditus  ete.  Hic  tamen  alia  loquutione  utitur,  si  quis  bonus  est,  inquit,  ad  a  e  d  i  f  i  c  a  t  i  o  n  em  usus:  quod  perinde  valet  ac  si  dixisset  uno  verbo,  si  usui  est.  Genitivum  quidem  usus  licebit,  more  hebraico,  in  adiectivum  resolvere:  ut  sit  aedificatio  utilis.  Sed  dum  considero  quam  frequens  sit  metaphora  in  verbo  aedificandi  apud  Paulum,  et  quam  late  pateat:  priorem  illam  expositionem  tenere  malo.  Ita  ad  aedificationem  usus  interpretor  aedificationis  nostrae  profectum.  Nam  aedificare  promovere  est.  Quomodo  autem  illud  fiat,  subiicit,  dando  scilicet  gratiam  audientibus.  Consolationem  porro  et