50:211  211  EPIST.  PAULI  AD  GALATAS  212  haereditas,  non  iam  ex  promissione.  Atqui  Abrahae  per  promissionem  donavit  Deus.  15.  Secandum  hominem.  Pudorem  illis  incutere  voluit  hac  voce.  Est  enim  nimis  indignum  et  turpe,  Deum  minus  habere  autoritatis  apud  nos,  quam  hominem  mortalem.  Quod  ergo  stipulatur  ne  minus  autoritatis  deferant  sacro  Dei  foederi,  quam  communibus  hominum  pactis  tribui  solet,  Deum  hominibus  non  aequat.  Nam  interea  relinquit  illis  considerandum  quantum  inter  Deum  et  homines  intersit.  Hominis  licet  pactum.  Argumentum  est  a  minori  ad  maius.  Hominum  contractus  absque  controversia  rati  habentur:  quanto  magis  quod  statuit  Deus?  Porro  ubi  Latini  testamentum  legunt,  graece  est  apud  Paulum  StaxWjxy).  Quo  verbo  saepius  Graeci  testamentum  significant:  interdum  etiam  quemlibet  contractum.  Quamquam  usitatior  est  numerus  pluralis  in  secundo  sensu.  Parvi  interest  quantum  ad  praesentem  locum,  contractumne  an  testamentum  exponas.  Alia  est  ratio  in  Epistola  ad  Hebraeos  (7,  22),  ubi  apostolus  procul  dubio  ad  testamenta  alludit.  Hic  malim  simpliciter  accipere  pro  foedere  quod  Deus  pepigit.  Nam  simile  quo  pugnat  apostolus  hic  testamento  non  tam  proprie  conveniret  quam  foederi.  Sequamur  ergo  hoc,  apostolum  ab  humanis  pactionibus  ratiocinari  ad  solenne  illud  foedus  quod  Deus  cum  Abrahamo  pepigit.  Nam  si  illis  constat  sua  firmitas,  ut  ne  superaddere  quidem  liceat:  quanto  magis  hoc  inviolabile  manere  decet?  16.  Abrahae  dictae  sunt.  Antequam  persequatur  suum  argumentum,  aliquid  inserit  de  substantia  foederis:  nempe  solo  Christo  suffultum  esse.  Quod  si  Christus  fundamentum  est  pactionis:  sequitur  ergo  esse  gratuitam.  Atque  etiam  hoc  sibi  vult  per  nomen  promissionis.  Nam  sicuti  lex  respectum  habet  ad  homines  et  ipsorum  opera:  sic  promissio  ad  Dei  gratiam  et  fidem.  Non  dicit  et  seminibus.  Ut  probet  de  Christo  Deum  illic  loqui,  admonet  numero  singulari,  certum  aliquod  semen  fuisse  designatum.  Saepe  autem  miratus  sum,  Christianos,  quum  viderent  tanta  protervia  vexari  hunc  locum  a  Iudaeis,  non  accuratius  restitisse.  Omnes  enim  leviter  praetereunt,  quasi  per  regionem  pacatam.  Atqui  multum  habet  coloris  eorum  obiectio.  Nam  quum  JHI,  vel  semen,  nomen  sit  collectivum  :  videtur  inepte  facere  Paulus  qui  urgeat  unum  hominem  indicari  hac  voce,  sub  qua  tota:  Abrahae  progenies  comprehenditur  loco  nuper  citato,  Erit  semen  tuum  sicut  arena  maris  et  stellae  coeli.  Itaque  quasi  convicta  falsitate  nobis  fastuose  insultant.  Eo  magis  nostros  miror  hic  tacuisse:  quum  non  desit  firma  defensio  ad  refutandam  ipsorum  calumniam.  Nam  in  ipsis  filiis  Abrahae  iam  coepit  talis  divisio,  ut  alter  ex