[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


49:211  211  EPIST.  PAULI  AD  ROMANOS  212  runt  animam  meam,  4.  Sed  quid  dicit  ei  oraculum?  Beservavi  mihi  ipsi  septem  millia  virorum,  qui  non  flexerunt  genu  imagini  Baal  5.  Sic  ergo  et  hoc  tempore  reliquiae  secundum  electionem  gratiae  supersunt.  6.  Quod  si  per  gratiam,  iam  non  ex  operibus:  alioqui  gratia  iam  non  est  gratia.  Si  vero  ex  operibus,  iam  non  est  gratia:  alioqui  opus  iam  non  est  opus.  1.  Dico  igitur,  ete.  Quae  hactenus  de  Iudaeorum  caecitate  et  obstinatione  disseruit,  eo  spectare  videri  poterant,  ao  si  Christus  adventu  suo  Dei  promissiones  alio  transtulisset,  Iudaeis  ab  omni  salutis  exspectatione  exterminatis.  Illam  itaque  obiectionem  hoc  loco  praevenit:  et  quod  de  repudiatis  Iudaeis  prius  tradiderat,  ita  moderatur,  ne  foedus  olim  cum  Abrahamo  initum  nunc  abrogatum  quis  putet:  aut  eius  memoriam  Deo  sic  intercidisse,  ut  Iudaei  nunc  alienati  sint  penitus  ab  eius  regno,  quemadmodum  ante  Christi  adventum  gentes.  Id  vero  negat:  ut  certe  falsum  fuisse  mox  ostendet.  Nec  vero  in  hoc  vertitur  quaestio,  iurene  an  iniuria  populum  Deus  repulerit.  Nam  proximo  capite  probatum  fuit,  quum  praepostero  zeh  populus  repulisset  Dei  iustitiam,  iustas  superbiae  suae  poenas  dedisse,  merito  fuisse  excaecatum,  ac  tandem  foedere  eomdisse.  Iam  ergo  in  disputationem  non  venit  abdicationis  ratio:  sed  alia  de  re  exoritur  certamen,  quamvis  talem  Dei  vindictam  fuerit  promeritus,  an  foedus,  quod  Deus  cum  patribus  olim  pepigit,  sit  abolitum,  quod  ulla  hominum  perfidia  labefactari  absurdum  esset.  Principium  enim  illud  retinet  Pardus,  quum  gratuita  sit  adoptio,  et  in  solo  Deo  non  in  hominibus  fundata,  firmam  et  inviolabilem  stare,  qualiscunque  hominum  incredulitas  ad  eam  abolendam  conspiret:  hic  nodus  solvendus  est,  ne  credatur  Dei  veritas  et  electio  ex  hominum  dignitate  pendere.  Et  enim  ego  Israelita.  Antequam  in  causam  ingrediatur,  obiter  exemplo  suo  probat  quam  absurdum  sit  putare  illam  gentem  a  Deo  derelictam.  Ipse  enim  ab  ultima  origine  Israelita  erat,  non  proselytus,  aut  in  Israelis  politiam  recens  insitus.  Quum  ergo  inter  selectissimos  Dei  servos  merito  censeretur,  documento  erat  Dei  gratiam  in  Israele  residere.  Conclusionem  ergo  veluti  probatam  assumit,  quam  tamen  iusta  tractatione  postea  explicabit.  Quod  supra  Israelitae  titulum  se  Abrahae  semen  vocat  et  tribum  quoque  suam  exprimit,  eo  pertinet  ut  habeatur  pro  germano  Israelita.  Sicuti  ad  Philippenses  capite  3,  4.  Nam  quod  ad  commendationem  misericordiae  Dei  valere  quidam  putant,  oriundum  fuisse  Paulum  ex  ea  tribu,  quae  propemodum  excisa  fuerat,  coactum  videtur  ac  longe  petitum.  2.  Non  abiecit.  Besponsio  est  negativa,  et  cum  Moderatione.  Apostolus  enim  praecise  negando  reiectum  esse  populum,  secum  ipse  pugnasset.  Verum  correctione  adhibita,  tale  reiectionis  genus  esse  docet,  quo   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci