29:211  211  SERMON  CXCIX.  212  sinon  sa  parolle.  Il  est  vray  que  Dieu  ne  prononce  point  de  la  mort  d'un  chacun  de  nous,  il  se  reserve  cela:  nous  avons  nos  bornes  que  nous  ne  pouvons  point  passer:  mais  tant  y  a  que  nous  mourrons  tous,  et  avons  a  mourir  selon  le  decret  de  Dieu.  Voila  la  difference  d'entre  nous  et  Moyse:  c'est  que  Dieu  nous  monstre  que  nous  sommes  mortels  si  tost  que  nous  sommes  entrez  et  venus  au  monde.  Cependant  nous  voyons  aussi  combien  nostre  vie  est  briefve  et  caduque,  que  nous  n'avons  qu'un  ombre  qui  s'escoule.  Nous  voyons  cela;  mais  nous  n'avons  point  de  iour  certain  ni  assigne  :  Dieu  prolonge  la  vie  de  l'un,  il  accourcit  la  vie  de  l'autre.  Et  en  cela  nous  avons  a  nous  assuiettir  a  son  conseil.  Nous  mourrons  donc  tous  selon  le  decret  de  Dieu:  mais  Moyse  est  mort  selon  sa  bouche,  c'est  a  dire,  il  en  avoit  desia  prononce.  Or  quant  a  la  sepulture,  il  nous  faut  voir  pourquoy  Moyse  n'a  pas  este  enseveli  a  la  facon  commune  des  hommes,  et  pourquoy  il  a  voulu  que  son  sepulchre  demeurast  incogneu.  Il  est  vray  qu'il  ne  nous  faut  pas  exposer  si  lourdement  ce  mot  qui  est  ici  couche,  comme  si  Dieu  avoit  fait  une  fosse  pour  ensevelir  Moyse:  mais  il  ordonne  qu'il  soit  enseveli  par  sa  vertu.  Il  ne  faut  pas  que  Dieu  mette  la  main  a  rien  quand  il  veut  qu'une  chose  se  face:  c'est  assez  que  sa  vertu  soit  cogneue.  Car  il  faut  que  toutes  creatures  luy  obeissent:  la  terre  s'ouvrira  quand  il  luy  plaira,  comme  elle  a  este  formee  de  rien.  Dieu  donc  peut  commander,  et  la  chose  sera  faite  et  executee  tantost,  comme  il  est  dit  au  Pseaume,  que  son  empire  vaut  autant  que  toutes  les  executions  de  ce  monde.  Voila  donc  comme  Dieu  a  enseveli  Moyse:  c'est  qu'il  a  voulu  que  la  terre  s'ouvrist,  afin  de  luy  donner  sepulture,  et  que  son  corps  fust  cache,  en  sorte  que  iamais  homme  n'en  cogneust  rien.  Or  ce  n'a  pas  este  sans  cause  que  Dieu  a  voulu  que  le  sepulchre  de  Moyse  fust  ainsi  cache:  et  mesmes  nous  avons  a  noter  ce  qu'en  dit  sainct  Iude  en  sa  Canonique,  c'est  assavoir  que  Michel  l'archange  a  combattu  contre  le  diable,  pour  le  sepulchre  de  Moyse.  Or  ce  combat  ici  n'estoit  pas  suscite  pour  neant  par  Satan  :  car  il  falloit  bien  qu'il  pretendist  quelque  avantage,  quand  le  sepulchre  de  Moyse  eust  este  cogneu:  et  c'estoit  pour  abuser  les  hommes  en  superstitions.  Ainsi  donc  le  conseil  de  Dieu  nous  est  maintenant  tout  notoire,  c'est  qu'il  n'a  point  voulu  qu'on  abusast  du  corps  de  Moyse  en  idolatrie.  Or  quand  Dieu  a  proveu  a  cela,  c'est  signe  qu'il  cognoist  l'inclination  telle  aux  hommes,  qu'a  grand'  peine  se  pourront-ils  tenir  de  faire  des  idoles5  s'ils  en  ont  quelque  occasion.  Voila  Moyse  qui  a  este  par  dessus  tous  les  Prophetes,  comme  il  est  dit  en  la  fin  du  livre,  et  nous  le  verrons  demain  (au  plaisir  de  Dieu):  tel-