27:211  211  SERMON  LXXXV.  212  enfans,  ie  ne  demande  sinon  a  vous  tenir  en  prosperite:  seulement  suyvez-moy:  et  cependant  apres  avoir  eu  le  choix  de  prosperer,  nous  quittons  nostre  Dieu,  et  nous  allons  esgarer  apres  les  vanitez  de  ce  monde,  Satan  nous  transporte  par  ses  tromperies,  et  fermons  les  yeux  a  nostre  escient,  que  nous  ne  demandons  que  d'estre  trompez  pour  perir:  voire,  et  cependant  nous  ne  laissons  pas  de  nous  plaindre  quand  nous  verrons  les  povretez  et  miseres  de  ce  monde.  Et  en  quel  temps  sommes  nous?  Comme  auiourd'huy  nous  verrons  les  guerres  d'un  coste,  la  cherte  de  l'autre:  et  puis,  tout  est  si  confus  que  c'est  pitie:  chacun  gemira:  mais  nous  ne  regardons  point  la  cause  du  mal.  Car  si  nous  j  pensions,  il  nous  faudroit  sentir  la  main  de  Dieu  sur  nous,  et  la  sentir  en  telle  sorte  que  ceci  nous  vinst  au  devant:  Helas!  nous  avons  laisse  la  fontaine  de  tout  bien:  c'est  donc  bien  raison  que  nous  ayons  maintenant  soif.  Car  Dieu  de  son  coste  est  prest  de  nous  rassasier,  ii  n'est  point  chiche,  sa  puissance  n'est  point  diminuee,  il  a  en  soy  la  plenitude  de  tous  biens:  et  si  nous  en  sommes  destituez,  a  qui  tient-il?  Quand  un  homme  tracassera  ca  et  la,  et  qu'il  quitte  la  fontaine,  et  s'en  va  courir  parmi  les  deserts,  et  qu'il  soit  Ja  comme  pasme  de  soif,  qu'il  tire  la  langue  d'un  demi  pied,  qu'il  ne  trouve  point  une  goutte  d'eau  pour  se  rassasier:  n'est-il  pas  digne  qu'il  meure  la  de  soif,  quand  ii  a  quitte  la  fontaine?  Ainsi  notons  que  Dieu  retire  sa  benediction  de  nous,  et  c'est  un  iuste  salaire,  et  duquel  nous  sommes  dignes,  d'autant  que  nous  l'avons  abandonne:  et  cependant  toutesfois  nous  sommes  admonnestez  de  retourner  a  nostre  Dieu:  car  il  ne  veut  point  que  nous  languissans  en  telle  sorte  qu'il  ne  soit  prest  de  nous  recevoir.  Il  est  vray  qu'il  faut  que  nous  sentions  nostre  mal  a  bon  escient,  pour  estre  esmeus  d'une  affection  ardente  pour  retourner  a  luy:  mais  tant  y  a  encores  qu'il  nous  chastie  rudement,  et  que  le  mal  dure,  nous  ne  laissons  pas  toutesfois  de  tousiours  rentrer  en  grace  avec  luy,  pour  estre  participans  de  ses  benedictions,  quand  nous  ne  taschons  point  de  nous  eslongner  de  luy,  mais  que  nous  pensons  de  nous  recueillir  en  son  obeissance.  Ainsi  donc  apprenons  de  prattiquer  ceste  doctrine  de  Moyse,  c'est  que  nous  facions  ce  qui  est  bon  et  droit  devant  nostre  Dieu.  Et  notons  que  ce  n'est  point  pour  un  iour  seulement  que  Dieu  declaire  qu'il  sera  propice,  et  favorable  a  son  peuple:  mais  il  veut  continuer  iusques  en  la  fin,  voire  apres  le  trespas  de  ceux  qui  l'auront  servi.  Et  en  cela  nous  avons  approbation  de  l'esperance  de  la  vie  eternelle.  Car  si  Dieu  poursuit  de  nous  bien  faire  apres  nostre  trespas  en  la  personne  de  nos  enfans:  il  s'ensuit  qu'il  ne  nous  mettra  point  en  oubli:  et  quand  nous  aurons  acheve  nostre  course  en  ce