10.1:211  CONSILIA.  santur  veritati,  inde  occasionem  insultandi  arrepturi  sint,  quasi  eo  nomine  adversus  statum  politicum  aliquid  fieret.  Nec  tamen  improbamus  ubi  necessitas  inciderit,  eligi  viros  consultos  et  experientia  praeditos,  qui  videant,  quid  sit  e  re  ecclesiae:  ita  tamen  ut  hoc  etiam  munus  sit  ad  tempus,  et  extraordinarium,  ordinarium  vero  nullo  modo.  DE  CAEREMONIIS  ECCLESIASTICIS.1)  Quod  ad  caeremonias  spectat,  generale  hoc  tenendum  est  axioma,  quia  immensa  earum  congerie  onerata  fuit  ecclesia,  et  fere  obruta  evangelii  claritas,  prudentissimo  facere,  qui  parco  et  sobrioearum  usu  contenti  sunt.  Deinde  in  mysteriis  quae  vocantur  sacramenta  sedulo  esse  cavendum,  ne  hominum  commentis  vitietur  pura  et  genuina  coelestis  magistri  institutio:  praesertim  ubi  libera  est  electio,  nihil  melius,  quam  praescriptam  a  Christo  formam  simpliciter  tenere,  qualis  ad  nos  per  manus  transmissa  est.  Si  obiicitur  vetustas  (quanquam  hoc  clypeo  ad  tegendas  omnes  corruptelas  audacter  utuntur,  qui  consuetudini  et  receptis  moribus  nimium  addicti  sunt)  facilis  refutatio  est:  quia  veteres  quoque  ipsi  gravibus  querimoniis  satis  testati  sunt,  sibi  non  probari  quidquid  hominum  arbitrio  excogitatum  fuerat.  Augustinus,  maxime  ad  Ianuarium,2)  deplorat  iniusta  et  non  tolerabili  servitute  iam  tunc  oppressam  suisse  ecclesiam  ob  immodicos  ritus:  quum  tamen  vix  decima  pars  eius  labyrinthi,  quo  nunc  tenetur  orbis  implicitus  ad  irretiendas  animas,  composita  esset.  Deinde  ut  silentio  et  tolerantia  multae  caeremoniae  pridem  receptae  fuerint,  tenendum  est  quod  Paulus  statuit  discrimen,  ne  legalibus  figuris  sinamus  claram  evangelii  lucem  obscurari  (Gal.  4,  9  et  5,  2).  Si  legis  umbris  locus  non  conceditur,  quanto  minus  hanc  licentiam  obtinere  debent  hominum  figmenta?  Iam  si  probe  et  penitus  inspicitur  quid  homines  tantopere  sollicitet  ad  fabricandas  caeremonias,  reperiemus  ex  hoc  fonte  omnes  fluxisse,  quia  quisque  novum  Dei  cultum  fingere  ausus  fuerit.  Atqui  fictitios  omnes  cultus  non  modo  repudiat  Deus,  sed  etiam  severe  abominatur,  apud  quem  obedientia  pluris  est  quam  omnes  victimae  (1.  Sam.  15,  22).  Et  merito:  quia  eius  imperio  decedit  quantum  sibi  homines  hac  in  parte  arrogant.  Statuendum  quidem  est,  simulac  suo  arbitrio  Deum  colere  appetunt  homines,  foetidam  esse  profanationem  quidquid  de  suo  afferunt:  sed  ne  latissimam  sylvam  ingrediar,  ad  speciem  descendo.  Dixi  legitimum  baptismi  et  sacrae  coenae  usum  non  aliunde  peten-  1)  Epp.  et  Responsa  ed.  Genev.  p.  352,  Laus.  p.  427,  tfanov.  p.  479,  Chouet  p.  484,  Amat  p.  221.  2)  Epist.  119.