8:210  considerari  fidem  et  electionem.  Priusquam  enim  consideretur  homo  a  Deo  electus,  iam  diligi  oportet.  Priusquam  vero  consideremus  dilectum  a  Deo,  videndum  est  cuius  virtute  id  fiat.  Nempe  quod  in  Christo  diligitur.  Ergo  in  Deo,  apud  quem  non  est  prius  neque  posterius,  tria  haec  praesentia  sunt  :  coniunctio  hominis  cum  Christo  per  fidem,^  dilectio  Dei  per  eandem  fidem  et  electio  hominis  fidelis  ex  eadem  fue  in  Christo  proveniens.  Atque  in  hoc  consentiunt  sancti  doctores  veteres  et  tres  nostrae  aetatis  docti  et  bonae  aestimationis  viri  Melanchthon  Bullingerus  et  Brentius  cum  aliis.  Excipiunt  ministri:  Haeresim  manifestam  esse  quod  fidem  ab  electione  pendere  negat.  Nam,  quemadmodum  docet  Paulus,  quos  Deus  praecognovit  eos  praedestinavit,  et  quos  praedestinavit  eos  vocavit.  (Rom.  8,  29.)  Item  1.  ad  Ephes.  cap.  (v.  3)  :  Benedixit  nos  in  omni  benedictione  spirituali  sicuti  nos  in  Christo  elegerat  ante  mundi  creationem  ut  essemus  sancti  etc.  Ubi  demonstrat  nos  ideo  ad  Christum  adductos  quia  eramus  electi  a  patre:  in  quem  sensum  postea  subiicit,  praedestinasse  nos  secundum  propositum  voluntatis  suae.  Item,  gratiam  eius  abundasse  erga  nos  in  omni  sapientia  et  prudentia  ut  patefaceret  arcanum  voluntatis  suae  secundum  beneplacitum  quod  constituerat  ete.  Christus  etiam  dicit:  Quidquid  dederit  mihi  pater  ad  me  veniet.  Unde  colligimus  donationem  hanc  fide  superiorem  esse.  Nec  Paulus  dicit  se  misericordiam  consequutum  quia  praeviderit  Deus  ipsum  fore  fidelem,  sed  potius  ut  esse  inciperet.  Hoc  enim  factum  esse  dicit  ad  eruditionem  eorum  qui  credituri  erant  (L  Tim.  1,  16).  Hoc  autem  intelligi  debet,  quemadmodum  alibi  exponit,  nempe  secundum  propositum  Dei,  non  hominis  opera  (2  Tim.  1,  9).  Petrus  quoque  electos  Dei  salutat  qui  sanctificati  sunt  iuxta  praecognitionem  etc.  (1  Pet.  1,  2).  Quod  autem  adducit  magister  Hieronymus,  priusquam  consideretur  homo  electus  a  Deo  oportere  ab  ipso  diligi  ete,  excipiunt  ministri  hoc  ex  ignorantia  nimis  crassa  manare.  Atque  hoc  modo  subverti  fidei  christianae  fundamenta.  Diserte  enim  scriptura  pronunciat,  nos  prius  fuisse  a  Deo  dilectos  quam  ipsum  dilexerimus,  et  scimus  electos  Dei  interdum  multis  annis  in  errore  vagari  antequam  eos  Deus  ad  se  colligat.  Fatentur  quidem  non  posse  ab  homine  apprehendi  quod  a  Deo  electus  sit,  vel  ab  ipso  ametur,  nisi  per  fidem  in  Christum.  Verum  simul  addunt  nos  iam  antea  apprehensus  esse  a  Deo,  sicut  habetur  3.  ad  Philipp,  cap.  (v.  12).  Cui  sententiae  altera  eiusdem  Pauli  respondet,  Deum  vocare  quae  non  sunt  tanquam  sint  (Rom.  4,  17).  Atque  eodem  spectat  quod  subiicit  in  eadem  epistola  (5,  10):  Deum  nos  sibi  reconciliasse  quo  tempore  adhuc  inimici  eramus.  14