7:210  que  de  m'y  arrester  davantaige  pour  ceste  heure.  Tant  y  a  qu'il  ne  faut  que  ce  seul  advertissement  pour  confondre  leur  impudence,  que  touchant  des  choses  que  Dieu  nous  a  commandees  [page  1491  ou  defendues,  il  n'y  a  point  de  liberte  de  rien  changer.  Car  la  necessite  y  est  inviolable.  Les  autres  choses  nous  sont  indifferentes,  et  sont  en  nostre  liberte.  Voire  a  telle  condition,  que  nous  regardions  tousiours  d'en  user  en  edification.  CHAPITRE  XX.  Que  c'est  qu'entendent  les  Libertins  par  la  Yocation  des  fideles:  et  comment  soubz  ceste  couleur  ilz  excusent  toute  villanie.  Sainct  Paul  nous  admoneste  que  chascun  demeure  en  sa  vocation  ou  il  est  appelle.  Or  le  mot  de  vocation  signifie  toute  maniere  de  vivre,  ou  estat  estably  de  Dieu  et  fonde  en  sa  parolle.  Car  l'escriture  veut  que  nous  ayons  sur  tout  cela  en  recommandation,  d'ordonner  nostre  vie  non  pas  en  choisissant  telle  facon  de  faire  que  bon  nous  semble;  mais  en  suyvant  ce  que  Dieu  approuve,  et  nous  tenant  entre  les  limites  de  sa  parolle.  L'intention  donc  de  l'apostre  est  telle,  que  chacun  serve  Dieu  en  l'estat  ou  il  est  appelle  et  s'en  [page  150]  contente,  qu'il  n'appete  point  de  changer,  qu'il  ne  s'ingere  point  sur  l'office  d'un  autre,  qu'il  ne  s'acquite  point  a.  regret  de  son  devoir.  Car  il  parloit  de  l'estat  de  mariage,  et  de  virginite.  Par  occasion  il  parle  aussi  des  autres.  Et  sur  cela  il  conclud,  que  chacun  se  contienne  en  sa  condition  et  qualite;  voire  moyennant  qu'elle  soit  vocation  legitime.  Ces  malheureux  renversent  ceste  sentence,  pour  faire  trouver  bon  que  chacun  suyve  l'inclination  de  sa  nature:  et  qu'il  face  et  vive  selon  qu'il  luy  viendra  a  poinct  pour  son  profit,  ou  que  son  cueur  le  portera.  Combien  que  ce  proverbe  soit  commun  au  monde,  qu'il  faut  uller1)  avec  les  loups:  toutesfois  ceux  mesme  qui  en  usent,  n'oseroyent  pas  dire  que  ce  fust  bien  faict:  mais  prennent  ceste  excuse  telle  quelle,  pour  faire  leur  faute  plus  legiere.  Ces  malheureux  non  seulement  excusent  l'iniquite,  en  confessant  que  c'est  uller  avec  les  loups,  de  se  desbaucher  par  compaignie,  mais  aussi  l'ornent  de  oe  tiltre  honnorable  de  vocation,  [page  151]  comme  si  Dieu  nous  appelloit  a,  icelle.  Or  il  est  a  noter  qu'en  cest  article  il  y  a  trois  poinctz  Diaboliques  compris.  Le  premier  est  qu'iL  1)  hurler  1566  suiv.