51:210  pro  contendere  vel  rixari.  Vult  ergo,  eos  cum  animis  suis  disceptando,  turbari,  ut  a  furiosis  conatibus  desistant.  Paulus  autem,  meo  iudicio,  tantum  allusit  ad  locum  illum,  hac  ratione.  Tria  sunt  vitia  quibus  irascendo  Deum  offendimus.  Primum  est,  quod  levibus  et  saepe  nullis  de  causis  irascimur,  vel  certe  privatis  iniuriis  vel  offensis  commoti.  Alterum,  quod  semel  commoti,  metas  transsilimus,  et  abripimur  immodico  excessu.  Tertium,  quod  iram  quae  debuerat  in  nos  vel  in  peccata  ferri,  convertimus  in  fratres  nostros.  Commodum  ergo  Paulus,  quum  vellet  describere  quaenam  sit  iusta  irae  moderatio,  trita  illa  sententia  usus  est,  I  r  a  s  c  i  m  i  n  i  ,  et  ne  peccetis.  Id  autem  fiet,  si  materiam  irae  in,  nobis  quaeramus  magis  quam  in  aliis,  indignationem  nostram  in  propria  vitia  evomentes.  Quod  ad  alios,  potius  vitiis  irascamur  quam  personis:  nec  ex  privatis  offensis  iram  concipiamus,  sed  potius  nos  ad  iram  inflammet  zelus  gloriae  Domini.  Postremo  ita  concitetur  ira  in  nobis,  ut  quum  opus  est,  resideat:  ne  misceatur  cum  turbulentis  carnis  affectibus.  Sol  non  occidat.  Quoniam  vix  fieri  potest  quin  prosiliamus  interdum  ad  iniustam  vitiosamque  iracundiam,  quae  est  affectus  humani  ad  malum  propensio:  Paulus  ad  secundum  remedium  descendit,  ut  tunc  saltem  reprimamus  nos  subito,  nec  sinamus  iram  nostram  temporis  spatio  obdurescere.  Illud  quidem  primum  esset,  irasci,  et  non  peccare.  Sed  quia  in  tanta  naturae  humanae  infirmitate  plus  quam  difficile  est,  sit  hoc  secundum  remedium,  non  fovere  iram  diutius  in  animis  nostris,  nec  ilii  dare  spatium  temporis  quo  se  confirmet.  Ideo  prohibet  ne  sol  occidat  super  eam:  quo  significat  dandam  esse  operam  ut  ante  occasum  solis  placati  simus,  si  forte  nobis  irasci  contigerit.  27.  Et  ne  detis  locum.  Scio  qualiter  nonnulli  exponant.  Et  Erasmus  calumniatoris  nomen  usurpans,  palam  ostendit  se  de  malevolis  hominibus  intelligere.  Ego  tamen  non  dubito  quin  Paulus  admoneat,  cavendum  esse  ne  Satan  animis  nostris  possessis,  tanquam  hostis  occupata  arce,  pro  libidine  sua  nos  agat.  Nam  quotidie  experimur  quam  incurabilis  sit  morbus  diuturnum  odium  :  aut  saltem  quam  difficulter  sanetur.  Unde  hoc,  nisi  quia  diabolo  cordis  nostri  possessionem  tradidimus,  quum  obviam  eundum  foret?  Ergo  priusquam  odii  veneno  cor  imbuatur,  mature  excutienda  est  ira.  28.  Qui  furabatur.  Non  tantum  de  crassioribus  furtis  agit,  quae  legibus  puniuntur,  sed  de  occultioribus,  quae  sub  hominum  iudicium  non  cadunt:  ut  sunt  omnegenus  rapinae,  quibus  aliena  ad  nos  trahimus.  Nec  tantum  iubet  ut  abstineamus  ab  iniusta  et  illicita  bonorum  alienorum  usurpatione:  sed  etiam  ut  fratribus  subveniamus,  quantum  in  nobis  est.  Tu  qui  aliena  rapiebas,  non  modo  tibi  acquiras  victum  iusto  et  innoxio  sudore,  sed  etiam  14