5:210  replerentur  malitia:  ut  omnia  alia  omittam.  Constituamus  ergo  post  Solomonem,  haec  omnia  non  cadere  sub  sensum  rationis  humanae.  Quod  si  certum  aliquid  habere  volumus,  ad  legem  curramus  et  ad  testimonium  (Ies.  8,  20):  ubi  veritas  et  viae  Domini.  Haec  nobis  loquuntur:  Donec  revertatur  pulvis  in  terram  unde  erat,  et  spiritus  redeat  ad  Deum  qui  dedit  illum  (Eccl.  12,  7).  Nemo  ergo  dubitet,  qui  verbum  Dei  audierit,  quin  spiritus  filiorum  Adam  ascendat  sursum.  Ascendere  autem  sursum,  simpliciter  illic  accipio  pro  consistere,  et  immortalitatem  retinere:  quemadmodum  sursum  1)  descendere,  dixisse  mihi  videtur,  pro  collabi,  decidere,  disperdi.  Quintum  argumentum  pleno  adeo  atque  aperto  gutture  intonant,  ut  profundissimum  somnum  dormientibus  excutere  po&sint.  In  eo  enim  meliorem  suae  victoriae  partem  constituunt.  Et  quum  fucum  feuis  neophytis  facere  volunt,  id  potissimum  arripiunt,  quo  fidem  eorum  et  sanam  mentem  labefactent.  Unum,  inquiunt,  iudicium,  quod  reddet  omnibus  suam  mercedem,  piis  gloriam,  impiis  gehennam.  Nihil  ante  illum  diem  btatuitur,  aut  beatitudinis,  aut  miseriae.  Sic  ubique  scripturae  testantur:  Mittet  angelos  suos  cum  tuba  et  voce  magna,  et  congregabunt  electos  eius  a  quatuor  ventis,  a  summis  coelorum,  usque  ad  terminos  eorum  (Matth.  24,  31).  Item:  In  consummatione  saeculi  mittet  filius  hominis  angelos  suos,  et  colligent  de  regno  eius  omnia  scandala,  et  eos  qui  faciunt  iniquitatem,  et  mittent  eos  in  caminum  ignis.  Tunc  iusti  fulgebunt,  sicut  sol,  in  regno  patris  sui  (Matth.  J3,  41  ss.).  Item:  Tunc  dicet  rex  his  qui  a  dextris  erunt:  Venite  benedicti  patris  mei,  possidete  regnum  paratum  vobis  a  constitutione  mundi:  discedite  a  me  maledicti  in  ignem  aeternum.  Et  ibunt,  hi  in  supplicium  aeternum,  iusti  autem  in  vitam  aeternam  (Matth.  25,34  ss.).  Simile  est  apud  Danielem  (Dan.  12,  i):  Et  in  tempore  illo  salvabitur  populus  tuus,  omnis  qui  inventus  fuerit  scriptus  in  libro.  Haec  omnia,  inquiunt,  si  de  die  iudicii  scripta  sunt,  quomodo  vocabuntur  tunc  ad  regni  coelestis  possessionem  electi,  si  nunc  possident?  Quomodo  dicetur  illis  ut  veniant,  si  iam  sunt?  Quomodo  salvabitur  populus,  si  nunc  salvus  est?  Quamobrem  fideles,  qui  nunc  etiam  in  fide  ambulant,  non  alium  exspectant  salutis  suae  diem,  ut  ait  |fol.  32]  Paulus:  Scientes,  quoniam  qui  suscitavit  Iesum  a  mortuis,  et  nos  cum  Iesu  suscitabit  (2  Cor.  4,  14).  Et  alibi:  Exspectantibus  revelationem  Domini  nostri  Iesu  Christi,  qui  et  confirmabit  vos  usque  in  finem,  in  diem  adventu^,  etc.  (1  Cor.  1,  7  s.).  Verum,  ut  haec  omnia  illis  concedamus,  cur  addunt  de  somno  suum?  Non  enim  in  1)  Sic  libri  nostri  omnes  praeter  Amst.  qui  habet:  deorsum.  Nobis  vocabulum  omnino  delendum  videtur.  14