27:210  allechemens  de  Satan  nous  attirent,  qu'il  nous  semble  qu'encores  que  Dieu  nous  soit  contraire  et  ennemi,  que  nous  ne  laissons  point  de  prosperer,  moyennant  que  le  monde  nous  rie,  moyennant  que  nous  ayons  quelque  apparence  de  nous  advancer.  Voila  pour  un  item.  Or  au  reste,  nous  voyons  que  les  plus  meschans  ne  laisseront  point  de  s'enorgueillir.  Comme  nous  voyons  auiourd'huy  en  la  Papaute,  qu'on  fera  bouclier  de  ces  passages,  pour  monstrer  que  Dieu  est  bien  tenu  a  nous,  que  nos  oeuvres  sont  meritoires,  et  que  nous  pouvons  acquerir  la  grace  de  Dieu,  voire  le  salut  eternel:  et  non  seulement  que  Dieu  nous  face  prosperer  en  ce  monde,  mais  que  l'heritage  du  royaume  des  cieux  nous  est  comme  une  conqueste:  le  monde  (di-ie)  s'abuse  en  cela.  Et  qui  sont  ceux  qui  en  parlent  tant  plus  hardiment?  ce  sont  les  plus  grans  contempteurs  de  Dieu.  Comme  on  verra  de  ces  caphards  qui  disputent  des  merites  a  pleine  gorge:  et  cependant  ils  seront  gens  sans  Dieu,  sans  religion,  meschans  tout  outre,  et  se  loueront  ainsi  avec  Dieu.  Prenons  aussi  les  plus  grands  bigots  qui  soyent  la,  on  verra  qu'ils  sont  pleins  d'orgueil,  et  de  fierte,  qu'ils  sont  pleins  de  haine,  et  d'envie  contre  leurs  prochains:  les  autres  brusleront  d'avarice,  ils  feront  seulement  quelques  belles  mines,  et  agyos:  mais  il  n'y  a  nulle  integrite  au  dedans,  leur  vie  monstre  qu'ils  sont  du  tout  rebelles  a  Dieu,  qu'ils  ne  font  que  tourner  a  l'entour  du  pot  en  leurs  devotions:  et  cependant,  merites,  merites.  Et  quels?  Qu'on  regarde  a  leur  vie,  et  on  verra  que  ce  sera.  Or  en  premier  lieu  nos  oeuvres  que  pourront-elles  meriter,  sinon  d'autant  que  Dieu  les  accepte  par  sa  pure  bonte?  Car  il  n'est  point  question  seulement  qu'il  s'oblige  envers  nous,  comme  il  fait  sans  qu'il  y  soit  tenu:  mais  outre  cela,  il  faut  encores  qu'il  accepte  nos  oeuvres,  nous  pardonnant  les  vices  qui  y  sont,  et  les  macules  :  car  nous  ne  saurions  apporter  une  seule  oeuvre  qui  ne  soit  souillee  de  quelque  imperfection,  il  y  aura  tousiours  a  redire.  Nous  serons  donc  coulpables  en  toutes  nos  vertus,  quand  Dieu  les  voudroit  examiner  a  la  rigueur.  Et  ainsi,  ou  sont  les  promesses  qui  nous  monstrent  que  nos  oeuvres  sont  meritoires?  Mais  notons  que  nostre  Seigneur  apres  s'estre  ainsi  liberalement  oblige  a  nous,  il  nous  rend  salaire  pour  le  service  que  nous  luy  avons  offert:  et  alors  il  accepte  nos  oeuvres  par  sa  pure  bonte.  Et  comment?  Pource  qu'il  ensevelit  toutes  les  taches  et  macules  qui  y  sont,  il  ne  nous  les  veut  point  imputer.  Et  voila  comme  nous  prosperons  en  toutes  sortes  par  sa  pure  bonte.  Mais  cependant  retenons  le  propos  que  nous  avons  touche,  c'est  que  nous  sommes  bien  miserables  quand  nous  voyons  que  nostre  Seigneur  nous  convie  tant  doucement  a  soy,  et  avec  une  telle  humanite,  qu'il  dit:  Or  ca  mes  14