20:210  (Copie  contemporaine  Bibi.  de  Geneve  Vol.  107,  fol.  167.  .  Ruchat  VII.  406.  Bonnet  II.  542.)  Treschers  seigneurs  et  freres.  Ce  que  nous  avons  differe  si  longtemps  a  vous  escrire,  n'a  pas  este  faute  de  bon  vouloir,  quand  lopportunite  sy  fust  adonnee.  Mais  nous  estions  empeschez  de  ce  faire  pour  une  certaine  raison  laquelle  reste  auiourdhuy,  et  pourtant  n'avons  voulu  faillir  a  nous  acquitter  de  nostre  devoir.  En  premier  lieu  nous  remercions  le  pere  celeste  de  ce  qua  la  fin  ji  vous  a  resveillez  et  a  donne  vigueur  a  vostre  foy  laquelle  a  este  par  trop  long  temps  comme  estouffee.  Car  cestoit  trop  grande  paresse  a  vous  de  ne  chercher  point  les  moyens  de  proffiter  et  vous  advancer  en  la  cognoissance  de  l'Evangile.  Attendu  que  les  plus  suffisans  2)  ont  besoin  de  s'exercer  incessamment,  et  par  plus  forte  raison  les  debiles  et  ceux  qui  ne  font  que  commencer.  Il  reste  de  continuer  en  ceste  saincte  entreprise,  et  pour  ce  faire  vous  apprester  a  soustenir  beaucoup  de  combats,  car  il  est  bien  facile  davoir  bon  courage  quand  on  est  en  repos  et  loin  des  coups.  Mais  quand  ce  vient  a  lespreuve,  la  pluspart  sescoule.  Advisez  donc  de  ne  point  bastir  sans  fondement  mais  faire  bonne  provision  de  vertu  et  constance  pour  surmonter  toutes  les  difficultez  que  les  supposts  du  diable  vous  dresseront.  Vray  est  que  toute  vostre  souffisance  est  denhaut,  mais  que  vostre  foiblesse  vous  sollicite  a  prier  Dieu  quil  luy  plaise  vous  fortifier  par  son  Esprit.  Cependant  advisez  de  vous  porter  le  plus  coyement  quil  vous  sera  possible,  et  ne  donnez  point  occasion  aux  ennemys  de  la  verite  de  sescarmoucher,  et  en  cela  vous  avez  besoin  de  prudence.  Le  principal  est  de  vous  separer  de  toutes  jdolatries  et  pollutions,  et  puis  de  vous  assembler  sans  grand  bruit  ny  apparence  par  compaignies  afin  de  prier  Dieu  et  estre  enseignez  par  sa  parole.  Vray  est  que  ce  nest  pas  le  tout:  mais  il  est  question  de  monstrer  a  la  vie  que  nous  sommes  vrais  disciples  de  Jesus  Christ.  Et  dautant  plus  que  vous  cheminerez  en  la  crainte  de  Dieu,  non  seulement  voz  ennemys  auront  la  bouche  close,  mais  ce  sera  une  bonne  odeur  pour  attirer  les  ignorans.  Quoy  quil  en  soit,  le  nom  de  Dieu  en  sera  glorifie.  Nous  touchons  ces  choses  en  brief,  pource  que  le  frere  que  nous  vous  adressons  vous  instruira  plus  amplement  de  bouche.  Dieu  luy  a  donne  grace  et  faculte  denseigner.  Il  a  este  employe  par  cy  devant,  en  sorte  que  lexercice  ne  luy  deffaut  point.  Son  zele  vous  doit  estre  assez  approuve  de  ce  quil  na  point  reffuso  de  vous  aller  secourir,  combien  quil  fust  requis  dailleurs.  Parquoy  recevez  le  au  nom  2)  vigilans  Bt.  14