58:21  21  DE  IACOB  ET  ESAU.  22  heritier  de  Dieu:  mesme  il  estoit  le  premier  nay,  et  avoit  la  vogue  en  la  maison,  voire  iusques  a  se  moquer  de  son  frere,  comme  nous  avons  veu.  Or  il  en  est  ainsi  auiourd'hui  des  Papistes  :  car  ils  ne  sont  pas  estrangers  de  l'Eglise,  mais  ils  sont  comme  enfans  bastards.  Ils  diront  assez  qu'ils  ont  l'anciennete  de  leur  coste,  et  qu'ils  nous  precedent:  et  nous  voions  comme  ils  se  conflent  en  la  succession  qu'ils  ont  des  Apostres  (ainsi  qu'ils  disent)  que  de  tout  temps  il  y  a  eu  Evesques  et  Prelats  en  leur  Eglise:  et  que  sur  cela  on  ne  peut  faillir  de  conclure  que  le  titre  d'Eglise  leur  appartient.  Voire,  mais  cependant  ils  se  sont  abastardis,  comme  Ismael,  d'autant  qu'ils  n'ont  point  este  engendrez  par  l'evangile  (ainsi  que  nous  avons  veu)  qui  est  la  semence  de  liberte:  mais  se  sont  corrumpus.  Voila  comme  nous  les  pouvons  tenir  pour  Ismaelites.  Car  s'ils  sont  de  grands  peuples,  et  que  cependant  nous  demeurions  comme  povres  avortons,  cognoissons  que  nostre  Seigneur  nous  a  donne  un  tel  exemple  de  cela,  qu'auiourd'hui  il  ne  nous  en  faut  point  estre  confus.  C'est  donc  en  somme  ce  que  nous  avons  ici  a  retenir.  Et  sur  cela  il  nous  faut  aussi  appliquer  ce  que  nous  lisons  aux  Prophetes.  Car  ce  n'est  point  pour  un  coup  que  cela  est  avenu,  que  l'eglise  a  esto  amoindrie,  et  mesme  qu'il  n'y  a  eu  que  desolation  horrible:  comme  du  temps  de  la  captivite  de  Babylone,  qu'estoit-  ce?  Or  li  dessus  il  est  dit  par  Isaye  (54,  1),  Esioui-toy  qui  es  sterille  et  qui  n'as  point  enfante  iusques  ici:  car  tu  auras  lignee  beaucoup  plus  grande  que  toutes  les  femmes  mariees:  combien  que  tu  ayes  esto  comme  vefve,  Dieu  te  multipiiera,  et  seras  peuplee  par  miracle,  et  outre  le  sens  et  opinion  des  hommes:  et  quand  tu  auras  estendu  tes  pavillons  ca  et  la,  tout  sera  rempli.  Quand  donc  nous  oyons  que  cela  est  dit  a  l'Eglise,  cognoissons  que  si  auiourd'hui,  pour  nous  humilier,  ou  pour  punir  noz  offences,  Dieu  diminue  le  nombre  de  ceux  qui  l'invoquent  :  il  ne  faut  point  que  nous  defaillions  pour  cela,  mais  que  nous  poursuyvions  tousiours  nostre  vocation,  sans  nous  estonner  de  rien  qui  soit.  Et  mesme  notons  que  nous  voions  (singulierement  en  l'estat  de  l'Eglise)  ce  qui  est  dit  au  Ps.  113,  Que  Dieu  remplit  les  maisons  des  femmes  qui  estoient  steriles  auparavant,  de  beaux  enfaos,  et  de  grande  lignee.  Attendons  donc  que  nostre  Seigneur  face  son  oeuvre,  nous  aurons  occasion  de  le  glorifier,  cognoissans  que  ce  n'est  point  en  vain  qu'il  a  dit,  que  la  semence  d  Abraham  seroit  multipliee  :  mais  qu'il  faut  que  cela  vienne  d'une  facon  qui  nous  sera  incomprehensible,  et  que  les  commencemens  soient  petits,  et  qu'il  semble  que  ce  ne  soit  rien.  Quand  donc  nous  aurons  ceste  patience,  il  est  certain  que  Dieu  besongnera  en  sorte  que  nous  aurons  tousiours  dequoi  estre  confermez  en  ses  promesses,  voiant  que  l'effect  s'en  monstrera,  voire,  et  plus  que  nous  ne