56:21  21  GENESE.  22  la  terre  que  tu  vois,  ie  te  la  donneray,  et  a  ta  semence  a  iamais.  16.  Si  feray  ta  semence  comme  la  poudre  de  la  terre:  que  si  aucun  peut  nombrer  la  poudre  de  la  terre,  aussi  poura-il  nombrer  ta  semence.  17.  Leve  toy  donc  et  te  pourmene  parmi  la  terre,  en  sa  longueur  et  en  sa  largeur  :  car  ie  la  te  donneray.  18.  Abram  donc  remuant  son  tabernacle,  veint  et  habita  en  la  plaine  de  Mamre,  qui  est  en  Hebron:  et  edifia  la  un  autel  a  l'Eternel.  Chapitre  XIV.  1.  Depuis  il  adveint  qu'en  ce  temps  la,  qu'Amraphel  roy  de  Senaar,  Arioch  roy  d'E  Iasar,  Cedorlaomer  roy  d'Elan,  Thidal  roy  des  Gentils,  2.  Firent  guerre  contre  Bera  roy  de  Sodome,  et  contre  Birea  roy  de  Gomorre,  et  contre  Sineab  roy  d'Adema,  et  contre  Semeber  roy  de  Zeboim,  et  contre  le  roy  de  Bela:  laquelle  fut  dite  Zoar.  3.  Tous  ceux-la  s'assembleront  en  la  plaine  de  Sidim:  en  laquelle  maintenant  est  la  mer  salee.  4.  Ils  avoyent  servi  douze  ans  a  Cedor-laomer,  mais  au  trezieme  ils  s'estoyent  revoltez.  5.  Au  quatorzieme  an  donc,  Cedor-laomer  veint,  et  les  rois  qui  estoyent  avec  luy:  et  desconfirent  les  Rephains  en  Astaroth,  les  Carnains  et  les  Zuzins  en  Ham,  et  les  Emins  en  la  plene  de  Ciriathain.  6.  Et  les  Horiens  es  montagnes  de  Seir,  iusqu'a  la  plaine  de  Pharon  qui  est  aupres  du  desert.  7.  Fuis  retournerent  et  veinrent  a  En  de  Misephat,  laquelle  est  Cades,  et  batirent  toute  la  region  des  Amaleciens,  et  aussi  les  Amoreens  qui  habitoyent  en  Hazezon-thamar.  8.  Lors  issirent  le  roy  de  Sodome,  le  roy  de  Gomorre,  le  roy  d'Adema,  le  roy  de  Zeboim,  et  le  roy  de  Bela,  laquelle  est  Zoar:  si  ordonnerent  la  bataille  en  la  plaine  de  Sidim.  9.  Contre  Cedorlaomer  roy  d'Elam,  et  contre  Thidal  roy  des  Gentils,  et  contre  Amraphel  roy  de  Senaar,  contre  Arioch  roy  d'Elasar:  assavoir  quatre  rois  a  l'encontre  de  cinq:  10.  Et  la  plaine  de  Sidim  estoit  plene  de  plusieurs  puits  d'argille:  mais  les  rois  de  Sodome  et  Gomorre  preinrent  la  suite:  si  furent  la  desfaits:  et  ceux  qui  estoyent  demeurez  s'enfuirent  en  la  montagne,  ll.  Or  ils  preinrent  toute  la  chevance  de  Sodome  et  Gomorre,  et  toute  leur  victuaille,  puis  s'en  allerent.  12.  Ils  preinrent  aussi  Lot  fils  du  frere  d'Abram,  et  toute  sa  substance,  et  s'en  allerent  :  car  il  habitoit  en  Sodome.  13.  Quelqu'un  qui  en  estoit  eschappe  surveint,  et  l'annonca  a  Abram  Hebrieu,  qui  habitoit  en  la  pleine  de  Mamre  Amoreen  frere  d'Escol,  et  frere  d'Aner:  lesquels  estoyent  alliez  avec  Abram.  14.  Quand  donc  Abram  eut  ouy  que  son  frere  estoit  captif,  il  equippa  trois  cens  et  dixhuit  de  ses  serviteurs  nez  en  sa  maison,  si  les  poursuyvit  iusqu'en  Dan.  15.  Et  la  nuit  il  se  divisa  par  bandes  contr'eux,  luy  et  ses  serviteurs,  et  les  desconfit:  et  les  pour-