54:21  21  SUR  LA  SECONDE  A  TIMOTHEE.  22  de  Dieu  en  eux,  si  nous  cognoissons  qu'ils  cheminent  en  pure  conscience,  que  nous  voyons  en  eux  quelque  bonne  affection,  nous  n'avons  point  d'esgard  a  tout  cela,  et  pourtant  nos  amitiez  sont  volages.  Mais  a  l'opposite,  si  nous  estions  bien  reglez,  quand  nous  verrions  un  homme  estre  droitement  conduit  de  l'Esprit  de  Dieu,  et  que  Dieu  luy  auroit  tellement  imprime  son  image  que  nous  sentirions  qu'il  habite  en  luy,  il  faudroit  que  nous  fussions  affectionnez  a  aimer  telles  gens:  que  si  nous  ne  le  faisons,  ne  sommes-nous  pas  plus  que  stupides  et  brutaux?  Il  est  dit  notamment  au  Pseaume  quinzieme,  L'homme  craignant  Dieu  aimera  tous  ceux  qu'il  cognoistra  estre  tels,  et  qu'il  mesprisera  les  meschans  et  iniques.  Quand  nous  verrons  des  con*  tempteurs  de  Dieu  qui  ne  feront  nul  scrupule  de  le  despiter,  et  qu'estans  desbauohez  pervertiront  tout  entant  qu'en  eux  sera,  nous  devons  avoir  telles  gens  en  detestation  comme  pestes  mortelles,  que  nous  les  tenions  (di-ie)  comme  puans  pour  les  fuir  et  reietter.  Aussi  a  l'opposite,  quand  nous  voyons  des  gens  craignans  Dieu,  qui  sont  conioints  avec  nous  en  telle  affection,  il  est  certain  que  si  nous  ne  les  aimons,  et  que  nous  ne  leur  portions  honneur,  nous  mesprisons  Dieu,  et  l'iniure  viendra  a  luy,  et  faudra  que  nous  en  rendions  conte.  Ainsi  donc  apprenons  de  nous  corriger  de  toutes  vanitez  en  cest  endroit,  et  que  nous  soyons  affectionnez  envers  les  personnes  selon  que  nous  y  verrons  bonte,  crainte  de  Dieu,  foy,  droiture.  Et  cependant  aussi  nous  sommes  admonestez  chacun  de  nous,  de  cheminer  droitement,  si  nous  voulons  qu'on  nous  aime.  Si  donc  ie  desire  d'estre  recommande  aux  prieres  des  fideles,  que  ie  donne  occasion  qu'on  ait  soin  de  moy,  et  que  chacun  face  le  semblable.  Souvent  il  nous  semblera  qu'on  nous  fait  grand  tort  quand  on  ne  pensera  point  de  nous.  Mais  quoy?  Si  on  regarde  quels  nous  sommes,  nous  meritons  bien  qu'on  nous  oublie,  et  qu'on  nous  laisse  la  pour  ce  que  nous  valons.  Et  ainsi,  afin  que  Dieu  exauce  les  oraisons  des  siens,  et  qu'aussi  de  leur  part  ils  soyent  incitez  a  prier  pour  nous,  pratiquons  ce  qui  est  ici  dit,  qu'on  cognoisse  que  nous  aimons  le  Royaume  de  Dieu,  et  comme  il  veut  qu'on  pense  de  nous,  que  nous  pensions  aussi  a  luy,  et  alors  ne  doutons  point  que  nous  ne  soyons  secourus  de  luy  au  besoin.  Voila  ce  que  nous  avons  a  retenir  sur  cest  article.  Or  maintenant  venons  a  ce  que  sainct  Paul  dit  de  sa  personne.  Il  proteste  qyCil  adore  le  Dieu  de  ses  ancestres  en  pure  conscience.  Il  n'y  a  nulle  doute  que  sainct  Paul  n'ait  ici  voulu  repousser  les  calomnies  et  faux  blasmes  dont  il  estoit  diffame  entre  les  Iuifs.  Gar  beaucoup  le  tenoyent  comme  un  apostat  qui  s'estoit  revolte  de  la  Loy  de  Moyse,  qui  avoit  delaisse  le  Dieu  de  ses  Peres,  la  religion