53:21  21  SUR  LA  PREMIERE  A  TIMOTHEE,  22  la  teste.  Mais  il  y  a  quelques  articles  qui  ne  sont  point  pleinement  faux  d'eux-mesmes:  mais  si  est-  |  ce  que  sainct  Paul  les  condamne  ici.  Et  pourquoy?  car  il  semble  que  ce  soit  comme  des  sorciers  qui  |  ayent  un  style  incognu,  et  qui  veulent  faire  des  coniurations  ie  ne  scay  quelles,  ou  bien  que  ce  sont  des  gueux  de  l'hostiere  qui  ont  leur  style  a  part:  ils  se  debatent  comme  chiens  et  chats  en  un  langage  confus,  tellement  qu'ils  ne  scavent  eux-mesmes  qu'ils  disent.  Nous  voyons  par  cela  que  c'est  d'estre  autrement  enseignez,  c'est  ascavoir  si  on  pervertit  la  doctrine  de  Dieu,  semant  des  erreurs  et  tromperies  manifestes,  ou  bien  si  on  destourne,  si  on  desguise,  et  qu'on  farde  la  pure  simplicite  de  l'Evangile,  que  nous  ne  scachions  si  on  parle  de  Dieu,  ou  de  quoy.  Voila  comme  nous  serons  autrement  enseignez,  et  d'une  facon  nouvelle  et  estrange.  Or  sainct  Paul  ne  veut  point  que  cela  se  face,  et  pourtant  il  denonce  a  tous  fideles  d'eviter  telles  speculations,  et  denonce  a  ceux  qui  se  veulent  faire  valoir  par  une  vaine  gloire,  comme  les  esprits  fretillans  y  sont  incitez,  qu'il  leur  semblera  qu'on  ne  les  prisera  point  assez,  s'ils  preschent  purement  l'Evangile:  II  faut  bastir  et  forger  des  speculations  nouvelles,  et  viendront  mettre  des  finfreluches  en  avant,  il  n'y  aura  que  vanite  et  mensonge,  et  toutesfois  on  leur  applaudit:  et  voyant  que  cela  est  bien  receu,  ils  en  prenent  plus  grande  hardiesse  de  s'avancer.  Sainct  Paul  donc  denonce  a  telles  gens  qu'ils  se  deportent,  et  qu'on  ne  les  escoute  point,  et  qu'ils  ne  vienent  point  ici  faire  des  meslinges,  tellement  qu'on  ne  scache  plus  quel  est  le  vray  style  et  langage  du  sainct  Esprit.  Voila,  en  somme  tout  ce  qui  nous  est  ici  monstre.  Maintenant  pource  que  les  gens  qui  sont  transportez  d'ambition,  ne  se  laissent  pas  aiseement  gagner,  et  qu'il  y  a  une  arrogance  telle  qu'ils  sont  obstinez  a  maintenir  leur  cas,  sainct  Paul  veut  que  Timothee  use  d'authorite  magistrale  (qu'on  appelle).  Ie  veux  (dit-il)  que  tu  denonces,  c'est  a  dire,  que  tu  defendes.  Par  cela  il  n'entend  pas  que  Timothee  use  d'une  maistrise  pour  dominer  sans  raison.  Car  (comme  nous  avons  dit  ce  matin)  il  faut  que  toute  principaute  soit  reservee  a  Dieu  seul,  et  que  les  hommes  n'entreprenent  point  outre  leur  mesure,  mais  que  pour  maintenir  la  cause  de  Dieu,  nous  parlions:  toutesfois  non  point  comme  en  crainte  et  en  doute,  mais  scachans  bien  que  celuy  qui  nous  a  commis  a  cela,  est  souverain  par  dessus  tous,  que  nous  luy  facions  l'honneur  qui  luy  appartient.  Quand  un  homme  sera  envoye  par  son  prince  en  quelque  ambassade,  combien  qu'il  ne  vueille  point  parler  en  son  nom  prive  trop  rudement,  si  est-ce  qu'il  faut  qu'il  s'acquitte  de  sa  charge,  et  selon  la  commission  qui  luy  est  donnee,  qu'il  parle,  et  qu'il  parle  en  sorte  qu'on  voye  qu'il  ne  se  feint  point,