52:21  21  CAPUT  I.  22  hoc  membrum  adiunxit,  ut  finem  piae  coniunctionis  indicaret.  Conspirant  etiam  impii  in  malum,  sed  maledicta  est  eorum  consensio:  nos  igitur  sub  fidei  vexillo  unanimes  militemus.  28.  Nec  ulla  in  re  terreamini.  Secundum  quod  Philippensibus  commendat,  est  fortitudo  animi,  ne  turbentur  adversariorum  furore.  Tunc  ubique  fere  ardebant  saevissimae  persequutiones,  quia  toto  impetu  rapiebatur  Satan  ad  prohibenda  evangelii  initia:  tantoque  impotentius  insaniebat,  quanto  potentius  exserebafc  Christus  spiritus  sui  gratiam.  Iubet  ergo  Philippenses  stare  intrepidos,  neque  perturbari.  Quae  illis  est  demonstratio.  Haec  propria  est  verbi  graeci  significatio:  et  nulla  ratio  coegit  alios  transferre  causam.  Nam  impii  dum  adversus  Dominum  belligerantur,  iam  quasi  praeludio  argumentum  exitii  sui  ostendunt:  et  quo  ferocius  insultant  piis,  eo  se  magis  parant  ad  ruinam.  Nusquam  certe  scriptura  docet,  afflictiones,  quas  sancti  ferunt  ab  impiis,  causam  esse  salutis  ipsorum.  Demonstrationem  vero,  aut  argumentum  alibi  etiam  Paulus  vocat,  2.  Thessal.  1,  5.  Atque  pro  eo  quod  hic  habemus  IvSecCcv,  illic  ponit  IvSecyfia.  Est  igitur  haec  eximia  consolatio,  quod,  dum  ab  adversariis  impetimur  ac  vexamur,  documentum  habemus  nostrae  salutis.  Sunt  enim  persequutiones  filiis  Dei  quaedam  adoptionis  sigilla,  si  fortiter  et  aequis  animis  eas  sustineant:  impii  iam  suae  damnationis  specimen  edunt:  quia  impingunt  in  lapidem  a  quo  conterentur.  Idque  hoc  a  Deo.  Restringitur  hoc  ad  posterius  membrum,  ut  gratiae  Dei  gustus  crucis  acerbitatem  Uniat.  Naturaliter  signum  vel  demonstrationem  salutis  nemo  apprehendet  in  cruce:  sunt  enim  res  in  speciem  contrariae.  Ideo  Paulus  revocat  Philippenses  ad  aliam  considerationem:  quod  scilicet  Deus  sua  benedictione  vertat  in  occasionem  salutis  quae  alioqui  videntur  nos  facere  miseros.  Probat  hoc,  quia  donum  Dei  sit  crucis  tolerantia.  Certum  autem  est,  salutaria  nobis  omnia  Dei  dona  esse.  Vobis,  inquit,  donatum  est  non  solum  ut  in  Christum  credatis,  sed  etiam  ut  pro  ipso  patiamini.  Ergo  ipsae  passiones  vobis  testimonia  sunt  gratiae  Dei.  Quum  ita  sit,  hinc  habetis  argumentum  salutis.  O  si  penitus  in  animis  nostris  haereret  haec  persuasio,  in  Dei  beneficiis  deputandas  esse  persequutiones:  quantus  in  pietatis  doctrina  factus  esset  progressus!  Et  quid  tamen  certius  quam  summam  esse  divinae  gratiae  dignationem,  quod  patimur  pro  nomine  eius  vel  contumeliam,  vel  carceres,  vel  aerumnas,  vel  tormenta,  vel  mortem  denique?  tunc  enim  nos  suis  insignibus  decorat.  Sed  plures  reperientur  qui  potius  iubeant  Deum  cum  talibus  donis  facessere,  quam  grato  animo  amplectantur  oblatam  crucem.  Vae  itaque  stupori  nostro.  29.  Ut  credatis.  Prudenter  inseparabili  copula  fidem  cum  cruce  convertit,  ut  sciant  Philippenses,  hac