51:21  21  SUR  L'EPITRE  AUX  GALATES.  22  moyennant  qu'ils  satisfacent  a  leur  appetit  de  vengeance.  Et  qu'y  gagnerez  vous?  dit  sainct  Paul.  De  nature  vous  taschez  a  vous  conserver  :  car  nous  avons  cela  de  commun  avec  les  bestes.  Voila  une  beste  qui  n'a  nulle  raison  ni  intelligence,  si  est-ce  toutesfois  qu'elle  tasche  a  se  maintenir  et  fuit  toute  nuisance.  Les  hommes  par  plus  forte  raison,  qu'ils  discernent  entre  le  bien  et  le  mal,  auront  cela  qu'ils  tascheront  a  se  maintenir  et  a  demourer  en  leur  entier.  Or.  regardons  maintenant  qu'apportent  aux  haines  les  combats,  les  noises,  les  dissections,  les  calomnies  qui  s'ensuyvent  puis  apres,  et  choses  semblables.  C'est  que  nous  eu  serons  tous  consommez  en  la  fin.  Il  faut  donc  que  le  diable  ait  bien  oste  toute  raison  a  ceux  qui  se  iettent  ainsi  et  se  precipitent  en  leurs  haines  excessives,  puis  qu'ils  ne  peuvent  se  moderer  en  facon  que  ce  soit.  Brief,  sainct  Paul  monstre  quand  il  n'y  auroit  point  de  Loy  de  Dieu,  que  nous  ne  craindrions  point  de  l'offenser,  encores  si  nous  estions  bien  advisez,  que  nous  eussions  quelque  goutte  de  prudence,  si  devrions-nous  estre  retenus  aucunement  pour  ne  point  nous  escarmoucher,  et  pour  faire  ainsi  la  guerre  l'un  a  l'autre.  Or  nous  tendons  a  nostre  perdition  comme  de  propos  delibere:  et  cfta  est  contre  nature.  Voila  donc  les  hommes  qui  sont  endiablez  quand  ils  s'allument  ainsi,  tellement  qu'ils  ne  cerchent  que  leur  ruine.  Et  pourquoy  haissons  nous  nos  ennemis?  Il  faut  bien  que  nous  lascbions  la  bride  a  nos  affections:  mais  voici  nostre  excuse,  O,  ils  me  veulent  mal,  et  le  procurent,  et  l'ont  fait.  Et  bien,  et  cependant  quoy?  Que  gagneras-tu  quand  tu  auras  fait  d'un  diable  deux  (comme  on  dit)  et  que  tu  ne  cercheras  sinon  d'allumer  le  feu  encores  tant  plus  de  celuy  qui  est  desia  assez  enflamme?  Et  ce  sera  pour  Paigrir  et  le  faire  enrager  au  double.  Puis  qu'ainsi  est  donc,  que  tu  saches  que  la  fin  sera  la  perdition  de  l'un  et  de  l'autre.  Or  il  est  vray  que  si  nous  n'avions  esgard  qu'a  ceste  raison,  ce  ne  seroit  point  assez:  car  en  cela  nous  serions  par  trop  charnels.  Si  ie  m'abstiens  de  toute  haine,  d'autant  que  cela  me  seroit  nuisible,  tousiours  ie  cerche  mon  profit.  Or  Dieu  veut  que  nous  fermions  tousiours  les  yeux  quant  au  regard  de  nos  personnes,  et  que  nous  reiettions  toute  malvueillance  et  tout  debat:  que  cela  soit  mis  sous  le  pied.  Et  pourquoy?  Afin  qu'il  ait  toute  maistrise  pardessus  nous.  Et  combien  que  les  hommes  par  leur  malice  nous  donnent  occasion  de  les  hair,  toutesfois  puis  que  Dieu  nous  a  conioints  ensemble,  que  nous  demourions  en  ceste  union-la.  C'est  donc  l'hommage  qu'il  nous  faut  faire  a.  Dieu,  de  renoncer  a  nous-mesmes,  a  fin  d'aimer  ceux  qui  nous  haissent.  Au  reste  (comme  i'ay  desia  touche)  ceste  admonition  n'est  point  superflue  :  car  sainct  Paul  veut