48:21  21  CAPUT  L  22  vidua.  Ergo  postquam  vita  optavit  privari  impium,  simul  etiam  addit,  ut  honore  spolietur:  neque  id  modo,  sed  ut  illi  alius  succedat:  quo  poena,  ut  prius  memini,  duplicatur.  Oblique  interea  notat,  foedifragum  et  sceleratum  de  quo  loquitur  non  fore  ex  vulgo  quemlibet:  sed  praeditum  dignitate,  a  qua  tamen  excidet.  Caeterum  discendum  est  ex  hoc  loco,  non  impune  cessurum  impiis,  quod  ecclesiam  Dei  persequuti  fuerint.  Hic  enim  infelix  exitus  omnes  manet.  21.  Oportet  igitur.  Videri  primo  intuitu  posset  longe  petita  illatio.  Neque  enim  si  de  episcopatu  Iudae  transferendo  loquutus  est  David,  ideo  protinus  sequitur  eligendum  esse  successorem  a  discipulis:  sed  quia  sciebant  iniunctam  constituendae  ecclesiae  curam  sibi  esse,  simul  atque  ostendit  hoc  placere  Domino  fieri,  merito  inde  colligit,  debere  ipsos  exsequi.  Nam  quum  opera  nostra  uti  velit  Deus  ad  tuendum  ecclesiae  regimen,  simulac  de  eius  voluntate  redditi  sumus  certiores,  cessare  fas  non  est,  quin  strenue  praestemus  quidquid  ministerii  nostri  ratio  postulat.  Id  extra  controversiam  erat,  quaenam  essent  ecclesiae  partes.  Sicuti  hodie,  quum  audimus  abdicandos  esse  officio,  qui  se  perperam  et  flagitiose  gerunt,  et  alios  subrogandos,  hanc  curam  suscipere  ecclesia  debet.  Quare  supervacuum  fuit  de  re  indubia  movere  quaestionem.  Ergo  meminerimus  semper  reputare,  quid  officii  nostri  sit,  ut  praesto  sint  Domino  nostra  obsequia.  Quum  autem  de  creando  apostolo  disserat,  testem  resurrectionis  dicit  oportere  fieri.  Quod  significat,  non  esse  apostolatum  sine  evangelii  praeconio.  Unde  etiam  apparet,  quam  frivoli  sint  episcopi  papales,  qui  mutis  tantum  larvis  induti  tamen  apostolorum  successione  gloriantur.  Verum  quid  simile?  fateor  quidem  requiri  hic  a  Petro  testem  oculatum,  qualem  se  Ioannes  praedicat,  quum  dicit  (19,  35):  Qui  vidit,  testimonium  perhibet.  Nam  hoc  ad  fidem  adstruendam  non  mediocriter  valebat.  Sed  interea  docendi  necessitate  se  et  collegas  adstringit  Petrus,  dum  facit  resurrectionis  Christi  praecones.  Resurrectionem  nominat,  non  quod  de  ea  sola  testari  conveniat:  sed  quia  primum  sub  hac  comprehenditur  mortis  praedicatio:  deinde  quoniam  in  ea  finem  redemptionis  nostrae  et  complementum  habemus,  et  secum  trahit  coeleste  Christi  imperium  et  spiritus  potentiam  in  suis  tuendis  j  in  stabilienda  iustitia  et  rectitudine,  in  ordine  instaurando:  rursum  in  abolenda  peccati  tyrannide  et  omnibus  ecclesiae  hostibus  profligandis.  Sciamus  itaque  hoc  nomine  nequaquam  excludi  quae  necessario  cohaerent.  Interea  notemus  resurrectionem  prae  aliis  commemorari,  quasi  primarium  evangelii  caput:  quemadmodum  etiam  Paulus  docet  1.  Corint.  15  (v.  17).  Sed  an  soli  apostoli  resurrectionis  testes  fuerunt?  Annon  hoc  reliquis  etiam  discipulis  fuit  commune?  Videtur  enim  Petrus  has  partes  solis