[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


47:21  21  CAPUT  I.  22  Christus,  quia  usitatum  in  ecclesia  ordinem  mutare  incipit.  Neque  tamen  nego  quin  simul  retinendi  sui  iuris  ambitio  apud  eos  valuerit:  sed  tamen  nihil  minus  habebant  in  animo,  quam  Christi  honorem  ad  alium  transferre.  Nec  quidquam  agunt  a  persona,  quam  sustinent,  alienum:  nam  quum  gubernacula  tenerent  ecclesiae  Dei,  curare  eos  decebat,  ne  quis  se  temere  ingereret,  ne  quis  emergeret  novae  sectae  autor,  ne  fidei  unitas  in  populo  scinderetur,  ne  quis  novos  et  extraneos  ritus  in  medium  proferret.  Apparet  ergo  vulgatam  fuisse  de  Ioanne  famam,  quae  omnium  mentes  excitaverit.  Hoc  autem  admirabili  Dei  providentia  gubernatum  fuit,  quo  illustrius  esset  hoc  testimonium.  20.  Et  confessus  est,  et  non  negavit.  Hoc  est,  plane  et  sine  ambagibus  vel  ulla  simulatione'  confessus  est.  Confitendi  verbum  priore  loco  in  genere  capitur,  quod  rem  ut  erat  exposuerit.  Secundo  repetitur  ad  exprimendam  confessionis  formam.  Diserte  ergo  respondit,  se  non  esse  Christum.  21.  Elias  es  tu?  Cur  Eliam  potius  quam  Mosen  nominant?  Qui  ex  prophetia  Malachiae  hunc  exorientis  Messiae  quasi  luciferum  fore  tenebant  (Malach.  4,  5).  Hoc  tamen  ex  opinione  falso  praesumpta  quaerunt.  Nam  quum  hominis  animam  putarent  ex  uno  corpore  ad  aliud  migrare,  dum  Malachias  propheta  Eliam  mittendum  denuntiat,  Eliam  illum,  qui  sub  Achab  vixit,  imaginabantur  venturum  esse.  Quare  merito  et  vere  respondet  Ioannes,  se  non  esse  Eliam.  Loquitur  enim  ex  eorum  sensu:  Christus  autem  ex  genuina  prophetae  interpretatione  Eliam  ipsum  esse  affirmat  (Marc.  9,  13).  Propheta  es  tu?  Perperam  Erasmus  ad  Christum  restringit.  Nam  quod  articulus  additur,  nullam  emphasin  habet  hoc  loco:  et  postea  satis  declarant  legati,  se  alium  a  Christo  prophetam  intellexisse.  Ita  enim  subsumunt:  Si  neque  Christus  es,  neque  Elias,  neque  propheta.  Diversas  itaque  personas  videmus  notari.  Alii  sciscitatos  putant,  an  esset  aliquis  unus  ex  veteribus  prophetis:  sed  neque  haec  expositio  mihi.  probatur.  Potius  hoc  nomine  Ioannis  officium  designant,  an  constitutus  sit  a.Deo  propheta.  Dum  hoc  negat,  non  modestiae  causa  mentitur,  sed  sincere  et  ex  animo  se  a  numero  prophetarum  segregat,  nec  tamen  pugnat  hoc  responsum  cum  Christi  elogio.  Ioannem  Christus  ornat  titulo  prophetae:  imo  addit  ipsum  esse  plus  quam  prophetam  (Matth,  l  l  ,  9).  Sed  illis  verbis  nihil  aliud  quam  fidem  et  autoritatem  eius  doctrinae  vindicat,  et  simul  muneris  illi  iniuncti  praestantiam  extollit.  Ioannes  autem  hoc  loco  aliud  spectat:  nempe  quod  nullum  proprium  mandatum  habeat,  ut  ordinarius  mos  prophetarum  fuit,  sed  tantum  praeco  sit  Christo  destinatus.  Similitudine  hoc  clarius  patebit.  Quicunque  etiam  de  rebus  non   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci