46:21  21  SERMON  IL  22  Dieu,  tout  cela  sera  comme  entache  de  quelque  macule,  et  Dieu  n'en  accepteroit  rien,  quand  il  le  voudroit  iuger  a  la  rigueur.  Mais  que  fait-il?  Il  ne  nous  impute  point  tout  ce  qu'il  pourroit  condamner  en  nous.  Et  voyla  qui  est  cause  que  nos  bonnes  oeuvres  sont  acceptees,  comme  il  est  dit,  que  nous  sommes  iustifiez  par  la  foy.  Et  la  raison?  C'est  d'autant  que  Iesus  Christ  nous  revest  de  sa  iustice,  et  nous  couvre  tellement,  que  nos  pechez  ne  sont  point  regardez  de  Dieu:  mais  sont  comme  effacez  par  son  sang,  qui  est  nostre  lavement  et  purgation,  et  sont  ensevelis  par  l'obeissance  qu'il  a  rendue  a  Dieu  son  Pere,  laquelle  seule  comparoist  devant  luy.  Ainsi  donc  voyla  comme  nous  sommes  iustifiez,  quant  a  nos  personnes,  par  la  foy:  c'est  que  nous  cherchions  nostre  iustice  au  Fils  de  Dieu,  cognoissans  que  nous  sommes  tous  povres  pecheurs  et  damnables.  Car  tout  ainsi  que  Dieu  est  iustifie  quand  il  nous  recoit  a  merci  par  sa  pure  bonte,  aussi  il  iustifie  quant  et  quant  nos  oeuvres:  et  le  bien  que  nous  faisons,  c'est  a  dire  qu'il  nous  donne  de  faire,  il  l'accepte,  et  le  tient  pour  agreable.  Et  pourquoy?  Il  ne  nous  impute  point  les  taches  et  macules  qui  y  sont:  mais  il  couvre  cela,  regardant  a  l'obeissance  de  nostre  Seigneur  Iesus  Christ  son  Fils,  et  a  ce  sacrifice  qu'il  luy  a  offert,  et  a  ce  qu'il  nous  lave  et  nettoye  par  le  sang  qu'il  a  espandu.  Voyla  comme  Zacharie  et  Elizabeth  ont  este  irreprehensibles:  non  pas  qu'ils  ne  fussent  povres  pech.eurs,  qu'ils  n'eussent  besoin  de  la  grace  de  nostre  Seigneur  Iesus  Christ:  mais  quoy  qu'il  en  soit,  Dieu  a  eu  leur  vie  agreable,  pour  ce  qu'il  les  a  supportez,  ainsi  qu'il  a  accoustume  de  faire  a  ses  enfans  qu'il  a  eleus.  Et  c'est  ce  qu'il  dit  par  son  Prophete  Malachie,  qu'il  a  este  humain,  comme  un  pere  sera  envers  ses  enfans  qui  le  servent.  Car  si  un  pere  ha  un  enfant  qui  le  serve  franchement  et  sans  rien  omettre,  luy  attribuera-on  cela  a  grande  humanite,  s'il  aime  son  enfant?  Pourtant  le  Prophete  presuppose,  combien  qu'un  enfant  ne  s'acquitte  point  du  tout  de  son  devoir,  neantmoins  pource  que  le  pere  trouve  en  luy  quelque  bonne  affection,  il  se  contente  de  l'obeissance,  et  luy  pardonne  tout  ce  en  quoy  il  pourroit  avoir  failli.  Tout  ainsi  donc  que  les  peres  usent  de  ceste  gratuite  envers  leurs  enfans,  qu'ils  n'exigent  point  a  la  rigueur,  et  rie  a  rie  (comme  on  dit)  tout  ce  qu'ils  pourroyent  bien,  mais  qu'ils  se  contentent  de  la  bonne  affection:  et  que  si  les  enfans  ont  quelque  legerete,  et  inadvertance,  que  les  peres  qui  sont  humains,  ne  se  courroucent  point  pour  cela:  ainsi  Dieu  dit  qu'il  en  fera  autant  envers  nous,  voire  quand  il  nous  aura  fait  la  grace  que  nous  le  servions,  combien  que  ce  ne  soit  qu'a  demi:  c'est  a  dire,  en  partie,  que  nous  luy  rendions  ce  qu'il  merite,  tant  y  a  qu'il  ne  laisse  pas  de  nous  estre  hu-