44:21  21  CAPUT  I.  22  nihil  maneat  prorsus  residuum.  Scrutator  ergo  in  lucernis.  Deum  quidem  nihil  latere  scimus:  sed  quemadmodum  satis  notum  est,  similitudines  mutuari  cogitur  a  communi  hominum  usu:  quia  non  posset  aliter  satis  exprimere  quod  cognitu  nobis  utile  est.  Perinde  enim  cum  Deo  agit  mundus,  atque  homines  ipsi  alii  cum  aliis.  Nam  putant  sua  astutia  posse  illum  falli:  ideo  ex  opposito  stultitiam  hanc  deridens,  dicit  sibi  fore  lucernas  quibus  scrutetur  quidquid  est  absconditum.  Iam  quia  occupaverat  impietas  totius  fere  populi  animos,  dicit,  Visitabo  super  homines,  qui  in  faecibus  suis  congelati  sunt.  Posset  quidem  hoc  simpliciter  intelligi  de  divitibus,  qui  dum  sibi  blandiuntur  in  prospera  fortuna  nihil  metuunt:  et  ideo  congelati  sunt  in  suis  faecibus:  sed  paulo  post  ostendit  Sophonias  se  aliquid  atrocius  notare,  quod  scilicet  dicant  neque  bona  neque  mala  proficisci  a  Deo.  Sed  possunt  haec  duo  commode  inter  se  coniungi,  quod  scilicet  hic  perstringat  securitatem,  quae  ex  opulentia  nascitur:  et  tamen  simul  Iudaeis  nimium  securis  exprobret  crassum  contemptum  Dei,  de  quo  statim  videbimus.  Et  libenter  hunc  ordinem  sequor,  quod  scilicet  Iudaei  inebriati  rebus  prosperis  obduruerint:  quemadmodum  callum  saepe  contrahunt  homines  ex  labore,  ita  etiam  faeces  contrahunt  ex  nimia  quiete,  ��x  abundantia  rerum,  ut  prorsus  stupidi  sint,  neque  tangantur  ulla  doctrina.  Primo  igitur  dicit  propheta  Deum  fore  ultorem  huius  tam  supinae  securitatis,  ubi  homines  non  tantum  indormiunt  rebus  prosperis,  sed  etiam  coagulati  sunt  in  stupore  suo,  ut  careant  fere  omni  sensu  et  intelligentia.  Si  quis  densam  massam  alloquatur,  nihil  proficiet:  sic  etiam  comparat  propheta  securos  homines  densae  massae  et  congelatae:  quia  stupor  ita  compressis;  omnes  eorum  sensus,  ut  iam  neque  possint  allici  Dei  bonitate,  neque  ullum  etiam  terrorem  concipiant  ex  minis.  Ideo  congelatio  nihil  aliud  est  quam  durities,  vei  contumacia,  quae  contrahitur  ex  lautitiis,  praesertim  ubi  mentes  hominum  fere  obstupescunt.  Per  faces  autem  intelligit  lautitias,  quae  ita  dementant  omnes  sensus  hominum,  ut  iam  nihil  liquidum  sit  vel  sincerum.  Postea  adiungit  eos  dicere  in  cordibus  suis.  Hic  exprimit  quid  secum  afferat  securitas  quam  damnavit,  nempe  quod  sine  metu  profani  homines  illudunt  Deo.  Quid  sit  In  corde  loqui,  ex  pluribus  scripturae  locis  patet,  nempe  se-  <5um  intus  ita  statuere.  Nam  impii  etiamsi  palam  non  promulgent  quod  habent  in  animo,  tamen  secum  ratiocinantur,  et  constituunt  vel  non  esse  Deum,  vel  otiosum  in  coelo  quiescere:  Dixit  impius  in  corde  suo,  Non  est  Deus  (Psal.  14,  1).  Quid  est  in  corde  dicere?  quamvis  scilicet  pudor  vel  metus  absterreat  homines,  ne  palam  impietatem  suam  detegant:  interea  fovent  istas  cogitationes  in  corde,  et  praebent  assensum.  Iam  hic  describitur  impie-