43:21  21  CAPUT  n.  22  Insignis  est  hic  locus,  qui#  videmus  primo  damnari  gravissimum  crimen  a  propheta,  quod  Iudaei  non  se  continuerint  sub  Dei  lege,  sed  sibi  sumpserint  licentiam  aliquid  novandi.  Hoc  est  unum.  Unde  etiam  colligimus  quanto  in  pretio  apud  Deum  sit  obedientia,  sicuti  alibi  dicitur,  meliorem  esse  omnibus  victimis.  Iam  ne  putemus  hoc  leve  esse  vel  mediocre  peccatum,  notanda  est  loquutio,  quum  dicit,  ipsos  sprevisse  legem  Dei.  Nemo  est  qui  non  exhorreat  istud  portentum.  Neque  enim  possumus  spernere  legem  Dei,  quin  violetur  eius  maiestas.  Atqui  spiritus  sanctus  pronuntiat  hic  legem  Dei  repudiari,  et  abiici  a  nobis,  nisi  prorsus  sequimur  quidquid  mandat,  et  etiam  manemus  intra  fines  illic  nobis  praefixos.  Nunc  tenemus  quid  intelligat  propheta.  Iam  addit  etiam,  quod  deceperint,  vel  errare  fecerint  ipsos  mendacia  sua.  Hic  confirmat  superiorem  doctrinam,  quia  in  promptu  erat  exceptio  Iudaeis,  facere  bono  animo  quidquid  propheta  in  ipsis  damnabat.  Sedulo  enim  colebant  Deum:  licet  miscerent  sua  fermenta  quibus  sacrificia  corrumpebantur:  non  erat  illis  propositum  consumere  frustra  suam  substantiam,  facere  magnos  sumptus  in  sacrificiis,  multum  etiam  laborem  impendere,  nisi  putassent  hoc  obsequium  esse  Deo  gratum.  Quia  ergo  semper  decipit  incredulos  praetextus  bonae  intentionis  (ut  loquuntur),  ideo  propheta  refellit  hunc  praetextum,  et  ostendit  fallacem  ac  nihili  prorsus  esse:  non  est,  inquit,  quod  obiiciant  Deo  bonam  aliquam  intentionem,  fallunt  eos  sua  mendacia.  Porro  dubium  non  est  quin  mendacia  hic  Amos  Dei  praeceptis  opponat.  Simul  ergo  atque  declinant  nomines  a  verbo  Dei,  involvunt  se  multis  fallaciis,  et  nihil  aliud  quam  errare  queunt:  quod  notatu  dignum  est.  Videmus  enim  quantum  arroget  mundus  suae  prudentiae.  Nam  simul  atque  aliquid  fabricavimus,  nobis  arridet,  et  simiae  placet  semper  suus  foetus,  ut  veteri  proverbio  dictum  est.  Praesertim  vero  vitium  hoc  grassatur  ubi  fallaciis  nostris  corrumpimus  et  adulteramus  Dei  cultum.  Ideo  propheta  hic  clamat  mendacium  esse  quidquid  additur  ad  verbum  Domini,  et  quidquid  homines  in  cerebro  suo  excogitant:  hoc  totum,  inquit,  plenum  est  impostura.  Iam  videmus  quid  valeat  bona  intentio:  in  ea  quidem  sese  obdurant  homines,  sed  non  facient,  ut  Dominus  retractet  sententiam,  quam  semel  protulit  per  os  prophetae  sui.  Quare  videndum  est  ut  intra  fines  verbi  Dei  maneamus,  neque  transiliamus  vel  in  dexteram,  vel  in  sinistram  partem,  quia  si  tantillum  deflectimus  a  puro  Dei  verbo,  statim  impliciti  erimus  multis  mendaciis.  Sequitur  deinde,  Post  quae  ambulaverunt  patres  ipsorum.  Ad  verbum  est,  Quae  ambulaverunt  patres  ipsorum  post  ea:  sed  nos  sensum  reddidimus.  Hic  propheta  crimen  exaggerat,  quod  scilicet  insatiabilis  sit  populi  furor,  quia  nunc  filii  patres  suos  sequantur.  Scimus  hoc  vitium  sae-