42:21  21  SUR  LE  XL  CHAP.  DE  DANIEL.  22  il  ne  demandera  sinon  qu'on  le  laisse  la  en  paix,  mais  s'il  advient  qu'on  le  provoque,  qu'on  l'irrite,  alors  il  escume  et  monstre  sa  rage,  et  sa  violence:  ainsi  en  estoit-il  de  ce  gros  vilain  ici,  qui  ne  se  soucioit  gueres  de  faire  la  guerre,  il  n'estoit  question  que  de  boire  et  gourmander,  que  de  paillarder,  et  non  seulement  de  s'adonner  aux  paillardises  communes,  mais  il  s'abandonnoit  a  bougreries,  et  autres  choses  enormes  et  detestables,  bref,  il  menoit  une  vie  si  orde,  et  si  vilaine  que  rien  plus,  et  toutesfois  il  est  dit  que  ce  roy  ici  sera  irrite,  en  cela  voions-nous  comme  Dieu  ha  monstre  toutes  ces  choses  a  Daniel,  comme  en  un  mirouer,  et  encores  plus  clairement,  car  ce  Ptolomee  Philopater  gaigne  par  dessus  l'armee  du  roy  d'Aquilon,  toutesfois  il  est  dit  qu'il  ne  se  fortifiera  point.  Il  pouvoit  passer  outre,  et  pouvoit  gaigner  la  plus  grande  partie  des  royaumes  que  tenoit  Antiochus  le  grand,  qui  estoit  ainsi  surnomme,  car  cet  Antiochus  la  estoit  quasi  desconfit,  et  tous  ses  gens  aussi,  il  ne  faloit  sinon  un  homme  de  coeur  qui  poursuivist  sa  fortune  (comme  on  dit)  et  il  eust  peu  gaigner  tous  les  pays  de  son  ennemi.  Pourquoy?  Il  n'y  avoit  plus  de  resistance,  mais  quand  il  s'en  retourne  sans  passer  plus  outre,  en  cela  voions-nous  comme  le  prophete  ha  predit  toutes  ces  choses,  ainsi  qu'elles  sont  advenues.  Or  la  dessus  nous  voions  comme  Dieu  besongne  par  des  instruments  qui  sont  contemptibles  selon  le  monde,  voire  mais  c'est  pour  faire  tant  plus  grande  confusion  a  ceux  qui  ne  se  peuvent  humilier  sous  sa  main  :  voila  cest  Antiochus  le  grand  qui  ha  les  forces  en  main,  il  n'est  question  que  de  tout  foudroier,  qu'il  luy  semble  qu'il  fera  tout  trembler  sous  luy,  il  est  comme  un  second  Alexandre,  qu'il  n'est  question  que  de  celebrer  ses  prouesses,  et  ses  vertus.  Voila  donc  un  esprit  bouillant,  plein  d'ambition,  et  d'outrecuidance,  qui  pense  venir  a  bout  de  tout  ce  qu'il  ha  entreprins  :  or  bien,  si  Dieu  le  reduisoit  a  soy,  ce  seroit  un  grand  miracle,  mais  il  ne  luy  fait  point  cette  grace,  au  contraire,  par  qui  le  punist-il?  par  un  gros  vilain  pourceau,  qui  ne  pouvoit  pas  a  grand'  peine  remuer  un  doigt,  qui  ne  pouvoit  pas  ravoir  son  alleine  (comme  on  dit),  tant  estoit  greve  de  vin  et  de  viandes,  un  vilain  paillard  qui  estoit  tout  infecte  de  se  veautrer  ainsi  en  ses  ordures,  bref,  on  ne  le  pouvoit  regarder  sans  en  avoir  horreur.  Voila  donc  comme  cette  grandeur  d'Antiochus  est  chastiee,  et  par  cela  nous  voions  comme  Dieu  pour  faire  plus  grande  confusion  a  ceux  qui  ne  se  veulent  point  humilier  sous  sa  main,  les  met  en  opprobre,  quand  il  leur  suscite  des  ennemis,  qui  ne  sont  point  dignes  d'estre  reputes  entre  les  hommes,  et  nous  devons  appliquer  cela  a  nostre  usage,  car  il  nous  appartient  aussi  bien  qu'a  ceux  desquels  il  est  ici  parle,  voire  et  encore  plus,  car  Antiochus