4:21  21  LIVRE  III.  CHAPITRE  IL  22  a  bon  droit,  veu  qu'il  n'a  chose  si  pretieuse  que  sa  verite,  laquelle  est  signee  par  les  croyans  (comme  dit  Iean  Baptiste)  comme  quand  on  met  son  signe  ou  paraphe  en  une  lettre  (Iean  3,  33).  Pource  que  cecy  ne  doit  point  estre  en  doute,  ie  conclu  en  un  mot,  que  ceux  qui  disent  que  la  foy  est  formee  quand  il  y  survient  quelque  bonne  affection,  comme  un  accessoire  estrange,  ne  font  que  babiller:  veu  que  l'assentement  ne  peut  estre  sans  bonne  affection  et  sans  reverence  de  Dieu.  1)  Mais  il  se  presente  un  argument  beaucoup  plus  clair.  Car  puis  que  la  foy  embrasse  Iesus  Christ  selon  qu'il  nous  est  offert  du  Pere  (or  il  nous  est  offert  non  seulement  en  iustice,  remission  des  pechez  et  appointement,  mais  aussi  en  satisfaction  et  fontaine  d'eau  vive),  nul  ne  le  pourra  iamais  cognoistre  deuement,  ne  croire  en  luy,  qu'il  n'apprehende  2)  ceste  sanctification  de  l'Esprit.  Ou  bien  si  quelqu'un  veut  avoir  encore  cela  plus  clairement:  la  foy  est  situee  en  la  cognoissance  de  Christ,  et  Christ  ne  peut  estre  cogneu  sans  la  sanctification  de  son  Esprit:  il  s'ensuit  que  la  foy  ne  doit  estre  nullement  separee  de  bonne  affection.  9.  3)  Ceux  qui  ont  coustume  d'alleguer  ce  que  dit  sainct  Paul,  assavoir  si  quelcun  avoit  si  parfaite  foy  que  de  pouvoir  fcransferer  les  montagnes,  et  qu'il  n'eust  point  de  charite  (1  Cor.  13,  2),  que  cela  n'est  rien,  voulans  par  ces  parolles  faire  une  foy  informe  qui  soit  sans  charite:  ils  ne  considerent  point  que  signifie  le  vocable  de  Foy  en  ce  passage.  Car  comme  ainsi  soit  que  sainct  Paul  eust  dispute  4)  des  divers  dons  de  l'Esprit,  entre  lesquels  il  avoit  nomme  les  langues,  6)  vertus  et  propheties  :  et  qu'il  eust  exhorte  les  Corinthiens  d'appliquer  leur  estude  aux  plus  excellens  et  plus  profitables,  c'est  assavoir  dont  il  pouvoit  venir  plus  de  fruit  et  utilite  a  tout  le  corps  de  l'Eglise:  il  adiouste  qu'il  leur  demonstrera  encore  une  plus  excellente  voye  (1  Cor.  12,  10.  31),  assavoir  que  tous  ces  dons,  combien  qu'ils  soyent  tous  excellens  en  leur  nature,  neantmoins  ne  sont  comme  a  rien  estimer,  s'ils  ne  servent  a  charite:  d'autant  qu'ils  sont  donnez  a  l'edification  de  l'Eglise,  a  laquelle  s'ils  ne  se  rapportent,  ils  perdent  leur  grace  et  leur  prix.  Pour  cela  prouver  il  use  d'une  division,  repetant  ces  mesmes  graces  dont  il  avoit  fait  mention  auparavant:  mais  il  les  nomme  de  divers  noms.  Ainsi  ce  qu'il  avoit  premierement  appelle  Vertu,  il  le  nomme  Foy:  signifiant  par  l'un  et  l'autre  vocable,  la  puissance  de  faire  miracles.  Or  d'autant  que  ceste6)  puissance,  soit  qu'on  la  1)  Le  latin  ajoute:  qualis  saltem  in  scripturis  demonstratur.  2)  Le  latin  ajoute  id:  simul.  3)  1541  Ch.  IV.  p.  209;  1545  Ch.  V.  p.  236;  1551  s.  Ch.  V.  §.  33.  4)  Le  latin  ajoute:  proximo  capite.  5)  jes  langues,  le  latin:  genera  linguarum.  6)  1541  et  1545:  celle.