38:21  21  IN  IEREMIAM.  CAP.  VIII.  22  postulant,  quia  scilicet  noa  expendunt  iuste  se  castigari,  reiiciunt  omnem  notitiam,  et  abigunt  quantum  in  se  est:  denique  accersunt  sibi  stuporem,  ut  se  fallant  vanis  blanditiis.  Quia  igitur  hoc  solenne  est  hypocritis,  reiicere  omnem  sensum  irae  Dei,  repraesentat  ad  vivum  Ieremias  talem  contumaciam,  An  non  Iehovah  est  in  Sion?  an  non  rex  eius  in  ea?  nam  insimulant  Deum  mendacii,  quasi  ipsos  deceperit,  quum  pollicitus  fuerit  se  fore  et  urbis,  et  totius  terrae  praesidem.  Quum  ergo  putarent  Deum  sibi  obstrictum  esse  hac  promissione,  audacter  fremebant  adversus  eum,  Quid  hoc  sibi  vult?  Deus  enim  elegit  sibi  hunc  locum,  ubi  eum  coleret  genus  Abrahae:  fuit  hoc  quasi  terrenum  eius  regnum  :  nunc  quid  hoc  sibi  vult,  quod  hostes  adventant?  an  Deus  unquam  permittet  ipsos  ita  grassari?  neque  enim  hoc  fieri  potest  quin  Deus  ipse  vincatur.  Videmus  ergo  quorsum  tendant  prophetae  verba.  Nam  hic  imitatur  pervicaciam  populi  sui,  et  recitat  verba  quibus  sciebat  magnam  partem  solere  uti.  Nam  paulo  ante  vidimus,  Nolite  confidere  in  verbis  mendacii,  dicendo,  Templum  Domini,  templum  Domini,  templum  Domini,  quoniam  obstinate  solebant  obiicere  Deo  nomen  templi,  ac  si  esset  clypeus  ad  repellendas  omnes  noxas.  Ideo  nunc  dicit  propheta,  An  non  Deus  est  in  Sion  ?  deinde,  An  non  rex  eius  in  ea?  Non  tantum  persuasi  erant  Iudaei  Deum  sibi  fore  propitium,  sed  dum  oculos  etiam  vertebant  in  regem,  non  dubitabant  se  esse  in  tuto.  Itaque  iactabant  has  voces,  ac  si  essent  extra  omnem  aleam  periculi,  ut  loquuntur.  Nam  scimus  quid  pronuntiasset  Deus  de  regno,  nempe  aeternum  fore,  Quamdiu  erunt  sol  et  luna  in  coelo,  manebit  solium  Davidis,  et  florebit  eius  posteritas  (Ps.  89,  37.  38).  Sic  igitur  adiungunt  regem  Deo,  quasi  dicerent,  Hic  colitur  Deus,  et  virtus  eius  in  templo  habitat:  deinde  rex,  quem  nobis  praefecit,  certum  pignus  est  eius  gratiae,  et  perpetuitas  regni  nobis  promissa  est.  Sequitur  ergo,  aut  mendacem  esse  Deum,  et  nos  fuisse  de-*  ceptos  vanis  eius  promissionibus,  aut  hostes  frustra  venturos:  quia  ubi  omnia  tentaverint,  Deus,  qui  custos  est  salutis  nostrae,  ipsos  facile  repellet.  Primo  intuitu  videtur  hoc  specimen  esse  fidei,  dum  populus  statuit  se  fore  salvum  et  incolumem  auxilio  Dei,  et  oculos  etiam  convertit  in  regnum  illud,  quod  illustre  speculum  erat  praesentiae  Dei.  Nam  quum  esset  imago  Christi  David  una  cum  suis  posteris,  non  potuit  aliud  refugium  quaeri  a  fidelibus,  quam  quod  hic  describitur.  Sed  scimus  ut  hypocritae  turgeant  vana  confidentia,  quum  tamen  vacui  prorsus  sint  fide.  Et  iea  proterve  insolescunt  quoties  Deus  illis  minatur,  quasi  eum  tenerent  devinctum  suo  arbitrio.  Quum  ergo  ita  soleant  impii  abuti  Dei  nomine,  non  mirum  est  si  lingua  imitentur  pios  Dei  cultores.  Sed  tamen  nihil  est  simile.