36:21  21  PRAEFATIO.  omnem  Israelem  mandavi.  Revocat  eos  ad  unicam  Dei  legem,  eaque  contentos  esse  iubet.  Vultne  igitur  Malachias  prophetias  contemni?  Minime  vero:  sed  quum  prophetiae  sint  legis  appendices,  lex  autem  summatim  omnia  comprehendat,  sufficiebat  ista  exhortatio.  Nam  qui  summam  ipsam  doctrinae,  et  capita  praecipua  tenebunt  eorumque  studiosi  erunt,  prophetias  certe  neglecturi  non  sunt.  Nimis  enim  ridiculum  esset  *)  iactare  studium  legis,  si  divinas  eius  interpretationes  negligas:  quemadmodum  hodie  impudentes  plerique  homines  studium  verbi  iactant,  quum  tamen  admonitiones  pias  et  reprehensiones  quae  ex  verbi  doctrina  fiunt2)  nullo  modo8)  sustineant.  Proinde  quum  de  moribus  disserunt  prophetae  nihil  novi  afferunt:  sed  ea  tantum  explicant  quae  perperam  in  lege  intelligebantur:  verbi  gratia,  Populus  se  perbelle  functum  officio  existimabat,  quum  immolabat  victimas,  externosque  ritus  observabat:  mundus  enim  metitur  Deum  suo  ingenio,  eique  carnales  cultus  affingit.  Prophetae  id  graviter  reprehendunt,  atque  ostendunt  nihil  esse  omnes  caeremonias  quum  abest  sinceritas  animi:  coli  Deum  fide  et  vera  invocatione.  Id  quidem  lege  satis  testatum  erat:  sed  diligentius  inculcandum,  et  saepius  commemorandum  fuit:  detegenda  quoque  hypocrisis,  qua  se  tegunt  homines  caeremoniarum  praetextu.  Quod  attinet  ad  secundam  tabulam,  prophetae  ex  ea  exhortationes  suas  hauriunt,  ut  ostendant  ab  omni  iniuria,  vi  et  fraude  abstinendum.  Itaque  nihil  aliud  agunt,  quam  ut  populum  in  obedientia  legis  contineant.  In  minis  vero  et  promissionibus  speciale  quiddam  habent  prophetae.  Quae  enim  in  genere  Moses  proposuerat*)  specialiter  quasi  digito  notant  Habent  praeterea  visiones  sibi  proprias,  quibus  futura  revelabat  Dominus,  ut  promissa  et  minas  ad  populi  usum  applicarent,  propiusque0)  de  voluntate  Dei  testarentur.  Minatur  Moses:  Bello  te  persequetur  Deus,  foris  hostes,  domi  te  intestina  dissidia  vexabunt.  Vita  tua  tanquam  filo  suspensa  erit:  ad  strepitum  folii  horrebis,  et  eiusmodi.  Prophetae  vero:  En,  inquiunt,  Deus  adversus  te6)  Assyrios  armabit,  Aegyptios  sibilo  accerset,  Chaldaeos  suscitabit,  in  exsilium  rapietur  Israel,  regnum  eius  abolebitur,  Ierosolymam  vastabit  hostis,  templum  exuret.  Idem  etiam  de  promissis  dicendum  est.  Ait  Moses:  Si  observaveris  mandata,  benedicet  tibi  Dominus.  Beneficia  deinde  refert  in  genere.  Prophetae  vero  nominatim  denuntiant.  Hoc  te  beneficio  Deus  ornabit.  Item  Dominus  per  Mosem  promittit  in  *)  aliquem  .  .  .  .  qui  .  .  .  .  negligeret.  2)  fluunt  1583.  3)  aequo  animo  sustinere  non  possint.  4)  proponebat,  ii  in  specie  designant.  5)  certiusque.  6)  gladium  Chaldaeorum  suscitat,  item  Aegyptiorum.  Istos  iam  ad  bellum  armavit  Deus.  Haec  urbs  evertetur  eo  tempore.