35:21  21  IOB  OHAP.  XXXII.  22  que  c'est  de  tout  cela,  c'est  comme  si  on  marioit  des  petis  enfans.  Ils  seront  bien  aises  d'estre  aux  nopces:  on  leur  dira,  Vous  mangerez  du  rost,  du  paste,  o  ils  s'accorderont  bien  a  cela:  mais  est-ce  un  mariage  pourtant?  Ainsi,  di-ie,  en  est-il  de  ceux  qui  sont  au  siege  de  iustice,  quand  ii  n'y  a  en  eux  ne  prudence  ne  raison  moins  qu'en  des  petis  enfans,  d'autant  qu'on  n'a  point  d'esgard  de  cboisir  ceux  qui  ont  plus  de  gravite  et  d'experience.  Ainsi  donc  il  faut  que  l'ordre  de  nature  soit  observe  en  premier  lieu:  c'est  quand  nous  avons  gens  aagez  ausquels  Dieu  a  fait  grace,  que  ceux-la  ayent  l'office  de  conduire  les  autres,  et  que  les  ieunes  gens  s'humilient  sous  eux.  Car  c'est  une  honte  quand  les  ieunes  gens  voudront  ici  faire  des  grands,  et  qu'ils  ne  daigneront  pas  recevoir  doctrine  de  ceux  qui  ont  plus  longuement  vescu.  Ceste  fierte-la  ne  s'adresse  point  aux  hommes  mortels,  mais  c'est  resister  a  Dieu  qui  a  constitue  cest  ordre  de  nature,  et  veut  qu'on  l'observe.  Autant  en  est-il  de  nous,  et  de  l'estat  de  porter  et  annoncer  la  parole  de  Dieu:  que  s'il  y  a  un  homme  bien  experimente,  et  qui  ait  quelque  prudence  en  soy,  qui  ait  este  esprouve:  si  on  ne  daigne  s'en  servir,  et  qu'on  prenne  un  homme  a  la  volee,  et  que  sera-ce?  Ii  faut  donc  que  nous  ayons  en  recommandation  cest  ordre  ici.  Mais  ce  n'est  pas  pour  en  faire  une  regle  certaine  :  car  il  adviendra  quelquefois  que  Dieu  aura  donne  plus  de  grace  beaucoup  aux  ieunes  gens  qu'a  ceux  qui  ont  vescu  au  double.  Or  donc  il  ne  faut  point  que  cest  ordre  que  nous  avons  dit,  empesche  que  l'Esprit  de  Dieu  ne  soit  receu  la  ou  il  se  monstre,  et  que  les  graces  selon  qu'il  les  distribue  ne  soyent  appliquees  en  usage.  Et  voila  pourquoy  sainct  Paul  a  choisi  Timothee,  combien  qu'il  j  eust  des  anciens  beaucoup  alors.  Car  quand  ii  a  veu  cest  homme  excellent  (comme  il  avoit  tesmoignage  non  seulement  des  hommes,  mais  aussi  du  sainct  Esprit)  il  l'a  prefere  a  ceux  qui  estoyent  plus  aagez.  Ainsi  maintenant  en  use  Eliu,  lequel  apres  avoir  escoute,  dit,  qu'il  cognoist  que  c'est  V  Esprit  de  Dieu  qui  est  aux  hommes:  comme  s'il  disoit,  II  est  vray  que  nous  ne  devons  pas  (sans  avoir  cognu  comme  ii  en  va)  iuger  que  les  vieilles  gens  soyent  radotez,  ou  qu'il  ne  leur  faille  donner  ne  lieu  ne  place:  mais  nous  devons  porter  cest  honneur-la  a  l'aage  pour  dire,  Et  bien,  l'homme  qui  a  beaucoup  veu  nous  pourra  enseigner:  mais  si  nous  cognoissons  qu'il  ne  s'acquitte  point  de  son  devoir,  ou  qu'il  ait  perdu  son  temps  auquel  il  a  vescu  au  monde,  alors  si  l'Esprit  de  Dieu  est  en  un  ieune  homme,  il  faut  qu'il  s'avance.  Retenons  bien  donc  que  quand  l'ordre  de  nature  sera  observe,  ce  n'est  point  a  ceste  condition,  que  tousiours  les  ieunes  gens  quand  Dieu  les  aura  douez  des  quelques  graces  ne  servent  a  son  Eglise,  et  qu'ils  n'enseignent  non