34:21  21  IOB  CHAP.  XVI.  22  en  conte  en  sa  presence:  car  ce  lui  sont  autant  de  sacrifices,  comme  aussi  il  est  dit  au  Pse.  51  (v.  19).  Qu'un  coeur  enserre  en  destresse,  un  coeur  abbatu  est  un  sacrifice  plaisant  a  Dieu.  Si  nos  larmes  se  rapportent  la,  et  qu'elles  soyent  comme  tesmoins,  qu'en  toute  humilite  nous  recourons  a  Dieu,  cognoissans  puis  que  sa  main  nous  est  contraire,  qu'il  n'y  a  autre  remede  sinon  de  le  requerir  qu'il  nous  face  misericorde:  o  il  est  certain  (comme  i'ay  dit)  qu'il  contera  nos  larmes.  Et  mesmes  quand  nous  serons  molestez  des  meschans,  si  au  lieu  de  faire  d'un  diable  deux  (comme  on  dit)  c'est  a  dire,  de  rendre  mal  pour  mal,  nous  venons  demander  a  Dieu  qu'il  leve  sa  main,  et  qu'il  mette  ordre  aux  choses  qui  sont  maintenant  confuses:  sachons  que  tout  ainsi  qu'il  a  mis  les  larmes  de  David  dans  une  phiole  (Pse.  56,  9),  il  y  mettra  aussi  les  nostres:  et  elles  ne  seront  point  perdues,  combien  qu'elles  tombent  a  terre  :  Dieu,  di-ie,  ne  les  mettra  iamais  en  oubli.  Voila  donc  comme  nous  devons  appliquer  ceste  doctrine  a  nostre  instruction:  c'est  que  si  nous  pleurons  quand  Dieu  nous  afflige,  que  nos  larmes  ne  soyent  point  comme  des  povres  insensez,  qui  ne  savent  a  qui  ils  en  veulent,  ne  ou  ils  se  doivent  adresser:  mais  tendons  a  Dieu,  gemissons  devant  lui.  Et  cela  est  conferme  par  ce  que  Iob  adiouste,  Qu'il  s'est  vestu  d'un  sac,  et  qu'il  a  couvert  sa  teste  de  poudre.  Or  c'estoyent  les  signes  de  repentance  que  ces  choses  ici:  comme  quand  un  povre  malfaicteur  demandera  grace,  il  ne  vestira  point  une  robbe  de  noces,  il  ne  .viendra  point  pigne  et  testonne  ne  brave  devant  son  iuge:  mais  il  viendra  plustost  pour  attirer  a  compassion,  il  y  viendra  (di-ie)  avec  une  face  triste  et  abaissee,  il  viendra  mal  vestu  comme  en  dueil.  Et  ainsi  les  sideles  ont  eu  ces  signes  exterieurs  de  repentance  quand  Dieu  les  affligeoit,  et  qu'ils  ont  confesse  leurs  pechez  pour  obtenir  pardon,  ils  avoyent  accoustume  de  se  vestir  de  haires  et  de  sacs,  et  de  ietter  la  poudre  sur  leur  teste:  et  cela  estoit  approuve  de  Dieu.  Et  pourquoy?  Car  en  premier  lieu  les  hommes  ont  besoin  de  s'inciter,  d'autant  qu'ils  sont  tardifs  et  froids.  Quand  donc  ils  prendront  des  aides  convenables  pour  se  pousser  d'avantage,  cela  n'est  point  superflu:  cognoissans  quand  il  est  question  de  nous  humilier  devant  Dieu,  nous  y  allons  tant  laschement  que  ce  n'est  que  par  acquit.  Nous  dirons  bien  que  nous  sommes  coulpables,  et  ietterons  bien  quelques  souspirs  :  mais  cependant  pensons  quelles  sont  nos  fautes,  le  nombre  en  est  infini,  aussi  elles  sont  si  enormes,  que  nous  devrions  bien  estre  espouvantez  d'horreur  de  mort  quand  nous  venons  devant  nostre  iuge.  Or  il  nous  semble  que  c'est  assez  d'avoir  iette  un  souspir  a  demi.  Voyans  donc  une  telle  froidure  en  nous,  cognoissons