33:21  21  S  E  R  M  O  N  P  R  E  M  I  E  R  SUR  LE  L  CHAPITRE.  Il  y  avoit  en  la  region  de  Hus  un  homme  ayant  nom  Iob,  entier  et  droits  craignant  Dieu,  et  se  retirant  du  malj  etc.  Pour  bien  faire  nostre  profit  de  ce  qui  est  contenu  au  present  livre:  il  nous  faut  en  premier  lieu  savoir  quel  en  est  le  sommaire.  Or  l'histoire  qui  est  ici  escrite  nous  monstre,  comme  nous  sommes  en  la  main  de  Dieu,  et  que  c'est  a  luy  d'ordonner  de  nostre  vie,  et  d'en  disposer  selon  son  bon  plaisir,  et  que  nostre  office  est,  de  nous  rendre  subiets  a  luy  en  toute  humilite,  et  obeissance,  que  c'est  bien  raison  que  nous  soyons  du  tout  siens  et  a  vivre,  et  a  mourir:  et  mesmes  quand  il  luy  plaira  de  lever  sa  main  sur  nous,  encores  que  nous  n'appercevions  point  pour  quelle  cause  il  le  fait,  neantmoins  que  nous  le  glorifions  tousiours,  confessans  qu'il  est  iuste,  et  equitable,  que  nous  ne  murmurions  point  contre  luy,  que  nous  n'entrions  point  en  proces,  sachans  bien  que  nous  demourerons  tousiours  vaincus,  contestans  avec  luy.  Voila  donc  ce  que  nous  avons  a  retenir  en  brief  de  l'histoire,  c'est  que  Dieu  a  un  tel  empire  sur  ses  creatures,  qu'il  en  peut  disposer  a  son  plaisir,  et  quand  il  monstrera  une  rigueur  que  nous  trouverons  estrange  de  prime  face,  toutesfois  que  nous  ayons  la  bouche  close  pour  ne  point  murmurer:  mais  plustost,  que  nous  confessions  qu'il  est  iuste,  attendans  qu'il  nous  declare  pourquoy  il  nous  chastie.  Or  cependant  nous  avons  a  contempler  la  patience  de  l'homme,  qui  nous  est  icy  mis  devant  les  yeux,  selon  que  sainct  Iaques  nous  exhorte  (5,  11):  Car  quand  Dieu  nous  monstre  que  nous  avons  a  souffrir  toutes  les  miseres  qu'il  nous  envoyera,  nous  confessons  bien  que  c'est  nostre  devoir,  mais  cependant  nous  allegons  nostre  fragilite,  et  nous  semble,  que  cela  nous  doive  servir  d'excuse.  Pour  ceste  cause  il  est  bon  que  nous  ayons  des  exemples  qui  nous  monstrent  qu'il  s'est  trouve  des  hommes  fragiles