32:21  21  PSALMUS  XCIV.  22  non  audiet?  an  qui  finxit  oculum,  non  adspiciet?  10.  Qui  arguit  gentes,  an  non  corripies?  qui  docet  homines  scientiam?  7.  {Et  dixerunt.)  Quod  dicit  propheta  impios  illudere  Deo,  ac  si  oculos  ei  oblinerent,  non  ita  debet  intelligi,  quasi  distincte  hoc  concipiant  in  animis  suis:  sed  quia  perinde  contemnunt  eius  iudicium,  ac  si  nulla  eum  tangeret  cura  humani  generis.  Nam  si  penitus  insculptum  esset  hominum  cordibus,  se  Dei  oculos  non  posse  effugere,  sufficeret  fraenum  hoc  ad  cohibendam  eorum  vitam.  Quum  ergo  hucusque  prosiliant  audaciae  ut  hunc  diripiant,  illum  spolient,  alium  devorent:  certum  est  in  sua  socordia  esse  demersos,  ac  si  absconditi  essent  a  Dei  oculis.  Certe  tam  supina  securitas  ostendit  eos  peccare  ac  si  nunquam  vocandi  essent  ad  reddendam  vitae  rationem.  Quamvis  ergo  tam  crassas  blasphemias  evomere  non  audeant,  Deum  esse  rerum  omnium  ignarum,  ac  fere  similem  trunco,  iure  tamen  illis  exprobrat  propheta  quod  mundum  existiment  Dei  providentia  non  regi  :  imo  palam  ei  iudicis  officium  ac  potestatem  abrogent,  quia  si  persuasi  essent  ut  decet  de  eius  providentia,  simul  tribuerent  honorem  qui  reverentiam  ac  metum  incuteret,  qua  de  re  fusius  alibi  disseruimus.  Consilium  autem  prophetae  est,  extremam  et  perditam  nequitiam  exprimere,  dum  scilicet  abiecto  Dei  timore  quidvis  sibi  indulget  peccator.  Si  quis  profanus  homo,  qui  nihil  unquam  coelestis  doctrinae  gustaverit,  ita  insultet,  furor  erit  non  ferendus:  homines  ergo  qui  a  pueris  educati  fuerant  in  legis  doctrina,  tam  contemptim  illudere  vel  fucum  facere  Deo,  immane  portentum  fuit.  8.  {Intelligite  insipientes.)  Quum  exsecranda  in  Deum  blasphemia  sit,  eum  iudicis  officio  privare,  vehementius  in  eorum  socordiam  invehitur  propheta,  qui  se  illius  iudicium  subterfugere,  imo  oculos  fallere  suis  astutiis  posse  confidunt.  Gravius  est  autem  vocare  stultos  in  populo,  quam  simpliciter  stultos:  eo  quod  minus  excusabilis  sit  talis  amentia  in  filiis  Abrahae,  de  quibus  dictum  fuerat  a  Mose  Deut.  4,  7  :  Quis  populus  tam  nobilis,  qui  deos  sibi  appropinquantes  habeat,  sicuti  hodie  Deus  tuus  ad  te  descendit?  Haec  enim  vestra  est  intelligentia  coram  cunctis  gentibus,  et  sapientia,  Deum  habere  legislatorem.  Nisi  forte  ignominiosos  in  populo  vocat,  qui  tamen  primores  erant,  summumque  tenebant  honoris  gradum  :  ac  si  vocaret  gregarios.  Nam  \  superbos  quos  sua  dignitas  excaecat,  ita  in  ordinem  cogi  utile  est,  ut  sentiant  non  alio  se  loco  censeri  apud  Deum,  quam  promiscue  quoslibet  e  vulgo.  Et  certe  videtur  eos  ad  plebem  relegare,  ut  sibi  in  sua  altitudine  placere  desinant:  nisi  quod  ironice  eorum  eminentiam  perstringit:  ac  si  diceret,  hac  maxime  nota  esse  conspicuos,  quod  reliquos