3:21  21  AU  ROY  DE  FRANCE.  22  lomon,  disent-ils,  ne  nous  commande  point  sans  cause  de  n'outrepasser  les  bornes  qui  ont  esté  mises  de  noz  peres  (Prov.  22,  28).  Mais  il  n'est  pas  question  d'observer  une  mesme  reigle  en  la  borneure  des  champs,  et  en  l'obeissance  de  la  foy:  laquelle  doit  tellement  estre  ordonnée,  qu'elle  nous  fasse  oublier  nostre  peuple1)  et  la  maison  de  nostre2)  pere  (Ps.  45,  11).  Davantage,  puis  qu'ils  aiment  tant  les  allegories,  que  ne  prennent-ils  les  Apostres  plustost  pour  leurs  Peres,  que  nuls  autres,  desquels  il  ne  soit  licite  arracher  les  bornes?  Car  ainsi  l'a  interpreté  sainct  Hierome,  duquel  ils  ont  allegué  les  parolles  en  leurs  Canons.  Et  encore  s'ils  veulent  que  les  limites  des  Peres  qu'ils  entendent,  soyent  observées,  pourquoy  eux-mesmes,  quand  il  leur  vient  à  plaisir,  les  outrepassent-ils  si  audacieusement?  Ceux  estoyent  du  nombre  des  Peres,  desquels  l'un  a  dit  que  Dieu  ne  beuvoit  ne  mangeoit;  et  pourtant,  qu'il  n'avoit  que  faire  de  plats  ne  de  calices3).  L'autre,  que  les  Sacremens  des  Chrestiens  ne  requierent  n'or,  n'argent,4)  et  ne  plaisent  point  à  Dieu  par  or.5)  Ils  outrepassent  donc  ces  limites,  quand  en  leurs  ceremonies  ils  se  delectent  tant  d'or,  d'argent,  marbre,  yvoire,  pierres  precieuses  et  soyes,  et  ne  pensent  point  que  Dieu  soit  droitement  honnoré,  sinon  en  affluence  et  superfluité  de  ces  choses.  C'estoit  aussi6)  un  Pere,  qui  disoit  que  librement  il  osoit  manger  chair  en  Quaresme,  quand  les  autres  s'en  abstenoyent:  d'autant  qu'il  estoit  Chrestien.  7  )  Ils  rompent  donc  les  limites,  quand  ils  excommunient  la  personne  qui  aura  en  Quaresme  gousté  de  la  chair.  Ceux  estoyent  Peres,  desquels  l'un  a  dit  qu'un  Moine  qui  ne  laboure  point  de  ses  mains,  doit  estre  reputé  comme  un  brigand.8)  L'autre,  qu'il  n'est  pas  licite  aux  Moines  de  vivre  du  bien  d'autruy:  mesmes  quand  ils  seroyent  assiduels  en  contemplations,  en  oraisons