29:21  21  SUR  LE  DEUTER.  CHAP.  XXXII.  22  teurs,  qui  alors  s'esgayent  et  se  mocquent  pleinement  de  Dieu.  Que  donc  nous  ne  venions  point  en  une  telle  durte,  car  il  n'y  a  rien  pire  que  d'avoir  ainsi  assoupi  nos  consciences,  que  nous  n'ayons  plus  nulle  douleur,  ne  remords,  ne  scrupule  en  nous:  mais  pensons  d'avoir  paix  avec  Dieu,  c'est  a  dire,  qu'approchans  de  luy  nous  le  sentions  nostre  pere,  et  que  nous  taschions  de  nous  appuyer  sur  sa  bonte:  et  que  cela  soit  pour  nous  tenir  en  repos.  Voila  donc  en  somme  comme  nous  devons  prattiquer  ce  mot  de  Frayeur,  donc  Moyse  menace  ici  ceux  qui  auront  transgresse  la  Loy  de  Dieu,  et  qui  luy  auront  este  rebelles  iusques  au  bout.  Il  dit  mesmes:  Que  Dieu  destruira  les  enfans  qui  al~  laissent,  les  vieilles  gens  qui  sont  desia  chenus,  qu'il  n'espargnera  ne  sexe,  ni  aage,  ne  rien  qui  soit:  car  il  parle  des  ieunes  gens  et  des  filles  a  marier.  Or  comme  i'ay  desia  dit,  nous  ne  devons  point  trouver  ceste  severite  de  Dieu  trop  estrange:  car  il  nous  doit  souvenir  de  ceste  obstination  incorrigible  qui  avoit  este  auparavant  au  peuple:  et  nous  savons  a  quelle  fin  et  usage  ce  Cantique  de  Moyse  a  este  escrit,  c'est  assavoir  pour  monstrer  au  peuple  qu'il  est  d'une  nature  maligne  et  perverse:  mesmes  qu'il  estoit  du  tout  incorrigible:  et  qu'apres  que  Dieu  par  tant  de  moyens  avoit  la  declare  sa  bonte  et  misericorde,  que  tout  avoit  este  tire  a  mal,  et  que  ce  peuple  ici  s'estoit  monstre  plus  qu'ingrat,  qu'il  n'avoit  cesse  de  se  revolter,  et  de  se  corrompre  en  superstitions  et  idolatries:  qu'on  ne  l'avoit  peu  ramener  au  bon  chemin,  combien  que  les  Prophetes  s'y  efforcassent.  Se  faut-il  donc  esbahir,  que  Dieu  apres  avoir  attendu  si  long  temps,  use  (l'extremite  si  grande,  comme  nous  le  voyons  ?  Nenni.  Car  alors  l'iniquite  est  venue  iusques  au  comble,  quand  Dieu  a  dissimule,  comme  par  ci  devant  nous  avons  allegue  le  passage  de  Genese,  qui  dit  que  l'iniquite  des  Amorrheens  n'estoit  pas  encores  accomplie.  Or  quatre  cens  ans  apres  il  faut  que  tout  soit  racle.  Et  pourquoy  cela?  Car  c'estoit  par  trop,  que  desia  du  temps  d'Abraham  ces  peuples  estoyent  ainsi  endurcis.  Et  au  reste  quand  au  bout  de  quatre  cens  ans  ils  sont  encore  empirez,  et  qu'ils  n'ont  cesse  de  tousiours  augmenter  ce  grand  monceau  de  la  vengeance  de  Dieu,  ne  faut-il  pas  qu'alors  Dieu  leur  face  payer  les  arrerages,  comme  on  dit?  Or  quand  les  enfans  d'Israel  sont  venus  au  lieu,  et  que  devant  leurs  yeux  ils  ont  eu  un  si  beau  miroir,  que  Dieu  avoit  extermine  tous  ces  peuples-la,  et  qu'ils  s'abandonnent  a  leurs  superstitions,  et  qu'ils  polluent  ceste  terre,  laquelle  Dieu  avoit  dediee  a  son  service:  ne  faut-il  pas  qu'ils  soyent  aussi  en  exemple  aux  autres?  Or  cela  nous  doit  servir:  car  nous  sommes  maintenant  en  possession  de  l'heritage  que  Dieu  avoit  promis  aux  enfans  d'Abraham,  non  point  de