28:21  21  SUR  LE  DEUTER.  CHAP.  XXII.  22  quelque  vice  devant  Dieu,  qui  tendra  a  paillardise.  Apprenons  donc,  que  nostre  Seigneur  par  ceste  sentence,  ou  il  dit  que  les  hommes  et  les  femmes  doivent  estre  differens  en  leur  facon  de  vesture,  qu'il  a  voulu  exposer  et  ratifier  ce  qu'il  avoit  dit:  Tu  ne  paillarderas  point.  Or  si  ceci  estoit  bien  retenu  comme  il  appartient,  nous  aurions  autre  reigle  que  nous  n'avons  pas,  et  ne  seroit-on  pas  si  empesche  qu'on  est  a  corriger  les  abus  des  accoustremens.  En  quelque  pais  on  corrigera  la  somptuosite.  Et  pourquoy?  Car  on  ne  verra  que  brodures,  et  choses  si  tressomptueuses,  qu'il  semble  que  les  hommes  se  veulent  charger  des  habits  des  femmes:  on  y  provoira  donc.  Et  cependant  on  ne  regarde  point  a  d'autres  vices,  qui  sont  autant  ou  plus  a  condamner.  Car  ce  ne  sera  iamais  fait,  qu'on  ne  cerche  tousiours  quelque  facon  nouvelle  pour  se  desguiser.  Il  semble  bien  que  cela  n'est  rien  :  mais  comme  il  vient  d'une  mauvaise  source,  aussi  il  tend  a  une  fin  mauvaise.  Car  il  est  certain,  que  s'il  n'y  avoit  de  l'ambition,  et  de  l'orgueil,  cela  ne  seroit  point  veu  si  commun  qu'il  est:  qu'il  y  aura  beaucoup,  de  gens,  qui  aimeront  mieux  endurer  en  leurs  corps  et  faim  et  soif,  et  beaucoup  d'autres  povretez,  qu'ils  n'employent  leur  argent  en  des  choses  qui  ne  leur  servent  sinon  a  pompes  et  a,  vanitez.  Et  pourquoy?  O  ils  aiment  ceste  belle  parure:  ils  veulent  estre  veus  et  regardez  de  loin.  Et  nous  voyons  cela  auiourd'huy  plus  que  iamais  on  ne  l'a  veu:  voire  entre  les  Francois  ceste  folle  curiosite  a  regne  de  tout  temps,  et  encores  auiourd'huy  n'en  peuvent-ils  estre  corrigez:  qu'ils  despittent  Dieu  et  nature  plus  que  iamais.  Or  nous  oyons  ce  que  Dieu  dit  par  son  Prophete  Sophonie,  quand  il  menace  ceux  qui  cerchent  accoustremens  nouveaux  et  estranges,  et  qui  appettent  toute  nouveaute.  Il  n'y  a  nulle  doute  qu'il  n'ait  condamne  ces  pompesla,  et  ceux  qui  ne  tendent  qu'a  cercher  tous  les  iours  facons  nouvelles,  pour  estre  regardez  de  loin,  et  pour  estre  plus  prisez,  et  qu'on  dise:  O!  celuyla  a  invente  une  telle  facon  :  celuy-la  sait  que  c'est  de  trouver  des  accoustremens  nouveaux.  Et  telles  gens  meritoyent  tous  d'estre  condamnez  a  estre  cousturiers.  Ces  grans  seigneurs,  et  ces  braves,  qui  voudront  la  porter  des  miroirs  au  col,  c'est  a  dire,  des  poupees  qu'on  regarde  de  loin  :  on  les  devroit  faire  tous  cousturiers,  puis  qu'ils  prennent  si  grand  plaisir  a  trouver  tant  de  diverses  sortes  d'habits  pour  se  desguiser.  Et  cependant  notons,  que  quand  nostre  Seigneur  a  parle  ainsi,  qu'il  nous  a  monstre  qu'il  nous  faut  revenir  a  cest  usage,  et  a  ceste  honnestete  que  i'ay  dite,  et  a  la  reigle  qu'il  nous  a  donnee:  et  quand  nous  observerons  cela,  cognoissons  que  ce  luy  sera  un  service  agreable.  Et  au  contraire,  quand  nous  serons  menez  d'un  fol  appettit  et  exorbitant,  pour  changer  a  chacune  minute,  et