27:21  21  SUR  LE  DEUTER.  CHAP.  X.  22  nous  en  faisons  autrement,  il  y  aura  double  malheur  sur  nous:  nous  ne  serons  point  excusables  que  Dieu  ne  nous  ait  eslevez  en  une  dignite  assez  haute:  mais  maintenant  quelle  excuse  y  aura-il,  quand  nostre  Seigneur  nous  a  ainsi  approchez  de  soy,  et  qu'il  a  voulu  que  nous  eussions  cest  office  d'estre  sacrificateurs  pour  luy  offrir  nos  personnes,  que  nous  fussions  ses  temples,  que  nous  eussions  un  autel  spirituel  dresse  en  nous?  Quand  (di-ie)  Dieu  nous  a  amenez  iusques  la,  si  nous  venons  a  prophaner  son  temple,  ne  voila  point  un  sacrilege  detestable?  Ainsi  sachons  toutes  fois  et  quantes  que  ce  monde  ici  nous  destourne  a  mal,  que  nous  faisons  une  grande  iniure  a  Dieu,  en  faisant  de  son  temple  une  estable  a  porceaux,  en  prophanant  ce  qu'il  avoit  sanctifie,  quand  nous  faisons  entrer  en  son  temple  toutes  les  corruptions  de  Satan,  et  de  ce  monde.  Voila  qui  nous  doit  retenir  en  bride  pour  cheminer  en  toute  integrite,  et  n'abandonner  point  nos  ames  et  nos  corps  a  quelque  villenie,  veu  que  Dieu  les  a  sanctifiez  a  soy.  C'est  ce  que  nous  avons  a  retenir  en  premier  lieu  de  ce  passage.  Mais  au  reste  notons  que  cependant  Dieu  n'a  point  du  tout  aboli  Tordre  de  son  Eglise,  combien  qu'il  ait  estendu  ceste  grace  que  nous  avons  dit  de  nous  faire  tous  Levites,  qu'il  l'ait  estendue  a  tous  les  membres  de  son  Eglise:  tant  y  a  qu'il  veut  qu'il  y  ait  des  gens  ordonnez  pour  annoncer  sa  parolle.  Et  c'est  ce  qui  est  ici  dit  en  second  lieu,  qu'ils  se  tiendront  devant  le  Seigneur  pour  son  service,  et  finalement  qu'ils  beniront  au  nom  du  Seigneur.  Cela  doit  estre  auiourd'huy  prattique  par  les  Ministres  de  la  parolle.  Car  combien  que  Dieu  nous  ait  tous  appellez  en  commun  pour  estre  servi  et  honore  de  nous,  si  est-ce  qu'il  requiert  un  service  special  de  ceux  qu'il  commet  sur  son  Eglise  pour  y  estre  pasteurs:  c'est  assavoir  qu'ils  monstrent  le  chemin,  et  qu'ils  soyent  tousiours  appareillez  au  service  de  Dieu.  Or  ce  service  emporte  que  les  Levites  maintinssent  la  religion  en  sa  purete  au  milieu  du  peuple,  qu'ils  remonstrassent  que  les  Iuifs  ne  se  devoyent  point  mesler  parmi  les  superstitions  des  Payens,  et  quel  estoit  le  Dieu  qui  les  avoit  delivrez:  que  brief  ils  retinssent  tousiours  le  peuple  en  une  vraye  obeissance  de  foy.  Et  voila  pourquoy  Dieu  ne  leur  avoit  point  assigne  une  region  certaine  en  laquelle  ils  habitassent,  mais  les  avoit  espars  en  toute  la  terre.  Nous  savons  qu'il  n'y  avoit  lignee  ou  il  n'y  eust  des  Levites  parmi.  Et  pourquoy  cela?  Car  Dieu  les  pouvoit  bien  assembler,  afin  qu'ils  fussent  tous  en  Ierusalem  ou  estoit  le  temple,  et  aux  lieux  circonvoisins,  qu'ils  eussent  une  portion  assignee  comme  les  autres  lignees.  Or  il  ne  l'a  point  fait:  mais  il  a  voulu  qu'en  un  tel  pays,  en  une  telle  ville,  en  une  telle  contree,  en  une  telle  region  il  y  eust  tousiours  des  Levites,  afin  que  par  tout  le