25:21  21  SANCTIONES  A  PROMISSIONIBUS  ET  MINIS.  22  nandos  homines  valet.  Ubi  autem  gratis  illis  offertur  salus,  simul  grata  sunt  Deo  eorum  opera.  Verum  quia  mercedis  causa  est  extra  ipsos  homines  eorumque  opera,  cessat  omnis  meriti  ratio:  fidelibus  tamen  prodest,  si  ambulaverint  in  Dei  praeceptis,  mercedem  promitti:  quia  pro  inaestimabili  sua  liberalitate  perinde  cum  illis  agit  ac  si  aliquid  afferrent  mutuum.  Tandem  quaedam  favoris  Dei  testimonia  commemorat,  ut  sunt  foecunditas,  et  frugum  abundantia.  Quod  in  fine  additur  de  morbis  Aegypti,  dubium  est  pustulasne  intelligat  quae  procreatae  sunt  ex  sparsa  favilla,  vel  pediculos  tam  hominibus  quam  iumentis  infestos,  an  vero  ad  morbos  hoc  extendat  qui  longe  ante  populi  discessum  grassati  fuerant.  Hoc  secundum  amplector:  quia  vicesimo  octavo  capite  Deuteronomii,  ubi  ulcera  Aegypti  nominavit,  continuo  post  subiicit  morbos  ani,  scabiem  et  pruriginem��  Verisimile  ergo  est,  variis  morbis  obnoxios  fuisse  Aegyptios,  a  quibus  Moses  affirmat  immunem  fore  populum  singulari  privilegio,  si  modo  legi  Dei  paruerit.  EX  DEUT.  XII.  28.  Custodi,  et  audi  omnia  verba  ista  quae  ego  praecipio  tibi,  ut  bene  sit  tibi  et  filiis  tuis  post  te  usque  in  saeculum,  quum  feceris  quod  bonum  est  et  rectum  in  oculis  Iehovae  Dei  tui.  Hic  etiam  mercede  sibi  obsequia  populi  conciliat  Deus:  non  quod  spes  mercedis  quidquam  ad  movendos  homines  per  se  valeat,  sed  quo  magis  teneat  omnes  convictos  iustae  damnationis.  Quid  enim  iuvabit  responsare,  non  esse  idoneos  ad  praestandum  quod  Deus  exigit,  quando  appareat  eos  sua  culpa  esse  miseros?  Caeterum  (ut  ante  dictum  fuit)  fidelibus  per  indulgentiam  prodest,  ubi  legem  servaverint,  promitti  obedientiae  mercedem:  quia  illis  innumeri  defectus  non  imputantur.  Fixa  tamen  manet  haec  doctrina,  si  legi  servandae  se  addicant  homines:  Deum,  quamvis  nihil  debeat,  fidum  tamen  remuneratorem  fore.  EX  LEVIT.  XXVI.  14.  Si  autem  non  audieritis  me,  neque  feceretis  omnia  praecepta  ista,  15.  Et,  si  decreta  mea  spreveritis,  et  iudicia  mea  abominata  fuerit  anima  vestra,  ita  ut  non  faciatis  omnia  praecepta  mea,  et  irritum  faciatis  pactum  meum:  16.  Etiam  ego  faciam  hoc  vobis:  constituam  super  vos  terrorem,  tabem,  et  febrem,  consumentia  oculos,  et  dolore  afficentia  animam,  sere-