24:21  21  COMMENTARIUS  IN  EXODI  CAP.  II.  22  quam  virtutis  suae  illustrandae  consilium.  Quia  insidiis  et  occulta  fraude  nihil  profecit,  iam  excusso  timore  ad  vim  apertam  prosilit:  et  teneros  foetus  raptari  iubet  ab  uberibus  et  sinu  matrum,  et  flumine  submergi.  Ne  desint  carnifices,  omnibus  Aegyptiis,  quos  sciebat  plus  satis  esse  propensos,  has  partes  iniungit.  Feminis  parcit,  ut  Aegyptiis  mancipatae  et  addictae  servos  dominis  pariant:  quia  per  eas  salvum  non  poterat  stare  genus  ac  nomen.  Hic  temporis  nostri  similitudinem  expendere  operae  pretium  est.  Antichristus  enim,  cum  suis  omnibus  sicariis,  eos  qui  perfido  silentio  Christum  abnegant,  et  parati  sunt  serviliter  omne  impietatum  genus  amplecti,  quietos  sinit:  nec  suam  crudelitatem,  quamvis  sit  insatiabilis,  exercet  ubi  nihil  cernit  virile:  atque  ubi  effeminatos  iacere  videt  quibus  ad  fidem  profitendam  aliquid  fuerat  animi,  quasi  voti  compos  exsultat  et  triumphat.  Atqui  nobis  satius  est  centies  interfici,  et  retinere  in  morte  masculam  virtutem,  quam  vitam  redimere,  in  qua  turpiter  diabolo  serviamus.  CAPUT  II.  1.  Abierat  autem  vir  ex  domo  Levi,  et  acceperat  filiam  Levi.  2.  Concepit  autem  mulier  illa,  et  peperit  filium:  vidensque  eum  esse  pulchrum,  abscondit  tribus  mensibus,  3.  Et  quia  illum  abscondere  amplius  non  poterat,  accepit  ei  arcam  arundineam,  et  oblevit  eam  bitumine  et  pice,  et  reposuit  in  ea  infantulum:  exposuitque  in  carecto,  iuxta  ripam  fluminis.  4.  Stetit  vero  soror  eius  eminus,  ut  cognosceret  quid  ei  fieret.  5.  Porro  descendit  filia  Pharaonis  ut  lavaret  se  in  flumine  :  (deambulabant  autem  puellae  eius  secus  ripam  fluminis:)  et  videns  arculam  in  medio  carecti,  misit  ancillam  suam  quae  illam  tolleret.  6.  Quumque  aperuisset,  vidit  ipsum  infantulum:  et  ecce,  puer  flebat:  et  miserta  illius  dixit:  Hic  ex  pueris  Hebraeorum  est.  7.  Tunc  dixit  soror  eius  ad  filiam  Pharaonis:  Ibone  ut  vocem  tibi  mulierem  nutricem  ex  Hebraeis  quae  tibi  lactet  infantulum?  8.  Eespondit  ei  filia  Pharaonis:  Vade.  Profecta  est  igitur  puella,  et  vocavit  matrem  pueri.  9.  Cui  filia  Pharaonis  dixit:  Tolle  infantulum  hunc,  et  lacta  eum  mihi,  et  ego  dabo  tibi  mercedem.  Tunc  accepit  mulier  infantulum,  et  lactavit  eum.  10.  Crevit  autem  infantulus,  et  adduxit  eum  ad  filiam  Pharaonis,  cui  factus  in  filium,  et  vocavit  nomen  eius  Moseh,  dicens:  Quoniam  ex  aquis  extraxi  eum.  1.  Abierat.  Tempus  verbi  plusquam  perfectum  reddere  malui,  tollendae  ambiguitatis  causa.  Nisi  enim  dicamus  Mariam  et  Aharon  ex  alia  matre  natos,  verisimile  alioqui  non  esset  coniugium  hoc  a  promulgatione  edicti  fuisse  contractum.  Iam  ad