20:21  21  1563  MAL  22  "Reginam  trans  Ligerim,  capiendi  consilii  causa  transiit,  et  ita  tandem,  sublato  illo,  quo  superstite  firma  pax  nullo  modo  constitui  potuerat,  pacis  conditiones  scriptae,  quarum  exemplum  iam  vobis  redditum  esse  arbitramur.  Supervenit  Amiraldus,12)  quum  iam  transactum  esset,  adeo  properarant  hostes  reditum  nostrum  antevertere,  ac  initio  quidem  duriores  nobis  istae  conditiones  videbantur,  quum  praesertim  integram  in  manibus  victoriam  haberemus:  sed  tandem  spe  nobis  meliore  facta,  ne  patriae  eversionem  quaesivisse  videremur,  nos  quoque  acquievimus.  Paulo  post  Hispanorum  reliquiae  secundo  fluvio  sunt  in  Hispaniam  remissae,  et  uterque  exercitus  paulatim  dilapsus.  Retenti  tamen  postea  Helvetii  itemque  ex  nostra  parte  Germani  equites,  ad  eorum  terrorem  qui  pacis  conditiones  accipere  recusarent.  Nunc  ergo  proceres  in  eo  sunt  ut  omnibus  tumultibus  sopitis  pax  obtineat.  Parisienses,  quamvis  in  pace  excepti,  et  alii  multi  eorum  exemplum  sequuti,  pertinacissime  se  Christo  opponunt.  Ego  vero  futurum  spero  ut  brevi  suae  pervicaciae  poenas  luant,  et  invitis  illis  regnum  Christi  obtineat.  Nam  toto  hoc  bello  animadversa  est  singularis  erga  nos  Dei  benignitas,  et  hostium  ducibus  omnibus,  qui  alicuius  autoritatis  erant  vel  trucidatis,  vel  eo  redactis,  ut  magnopere  nobis  non  sint  metuendi,  et  ipso  Condensi  Principe  cum  praecipuis  nostrarum  partium  ad  regni  gubernacula  sedente,  nihil  nisi  optimum  sperare  possum,  nisi  forte  peccatorum  nostrorum  magnitudo  misericordiae  divinae  cursum  impediat.  Ea  enim  est  nostri  Regis  atque  etiam  ipsius  fratrum  indoles,  quae  certa  et  magna  pietatis  incrementa  piis  omnibus  non  debeat  non  polliceri.  Faxit  Deus  Optimus  Maximus,  ut  ipsius  evangelio  coniuncti  omnes  ipsius  gloriae  in  sanctitate  et  iustitia  serviamus.  Ego  interea,  fratres,  quum  ab  hac  ecclesia  non  essem  alia  conditione  dimissus,  quam  ut  quam  primum  fieri  posset  ad  se  redirem,  libens  ad  meam  stationem  sum  reversus,  in  qua  permanere  constitui  quamdiu  Domino  videbitur.  Caeterum  de  tyrannicida  *3)  quid  fuerit  postea  constitutum  vos  audivisse  existimo.  Initio  quidem  Dominum  Admiraldum  cum  aliquot  aliis  ac  me  etiam  nominatim  inter  conscios  appellavit.  Respondimus  quod  res  erat,  et  ille  ipse  nos  postea  coram  iudicibus  abunde  purgavit.  Traditus  est  postea  Parisiensi  senatui,  id  est  saevissimis  hostibus,  non  tam  iudicandus  quam  omni  crudelitatis  genere  excarnificandus.  Itaque  paulo  post  supra  ipsum  paene  Guisii  cadaver,  primo  candente  ferro  per  singulas  corporis  partes  laceratus,  deinde  amputata  dextra,  a  quatuor  equis  fuit  discerptus,  neque  hac  inaudita  12)  ibid  335.  13)  Poltrot  de  Mere  (ibid.  291.334.  Mem.  de  Conde.  IV.  ��85-309).