18:21  21  1560  FEBRUAR.  22  3166.  STURMIUS  CALVINO.  In  Gallia  res  in  discrimen  venisse  videntur.  Ergo  nihil  cunctandum,  (Ex  autographo  Codicis  Genevensis  109,  fol,  161.)  A  Monseigneur  Monseigneur  Calvin.  Si  quae  huc  et  scribuntur  et  nunciantur  vera  sunt,  Aquitania  iam  et  Provincia  et  Delphinatus  sese  in  religionis  libertatem  vindicavit.  Miror  Neronianum  exitum  non  subsequi,  et  omnes  simul  non  concurrere.  Hae  res  maxime  celeritatem  requirunt,  antequam  sese  adversarii  contra  parent.  Omne  bellum  confecerit  qui  Antonium  confecerit:  nosti  quem  velim1)  et  quid  fuerit  Ciceronis  consilium.  Philippi2)  auxilia  non  puto  Guisianis  adfutura  nisi  regina  exoret.  Germanici  nominis  praefectos  ad  sese  in  Galliam  vocarunt:  Requerodianos,3)  Grombachianos,  Wimarienses.4)  Nos  ita  egimus  ut  nostri  futuri  sint  si  ad  arma  veniatur.  Otomannus  et  ego  proxima  hebdomade  Heidelbergam  proficiscimur5)  vocati  eo  a  Grombachio  et  Comite  Oldenburgico:  etiam  ipsorum  pecunia  eos  oppugnabimus  et  nos  defendemus,  si  coeperint.  Nimis  sollicite  tu  et  Be#a  gratias  agitis,  quasi  nos  non  norimus  nos  inter  nos.  Nullas  gratias  maiores  scio  quam  hoc  quod  coeptum  est  proferre:  sed  celeriter,  celeriter  inquam  :  quam  citissime  inquam  et  quam  celerrime.6)  Valete.  Argentor.  26.  febr.  Tuus  quem  ex  ipso  argumento  et  manu  nosti.7)  3166.  1)  Alterum  Guisiorum  puta.  2)  Hispani.  3)  Georgius  a  Beckerode  dux  mercenariorum  non  ultimo  loco  clarus  a.  d.  IV.  Cal  Dec.  mortuus  erat.  Quod  Sturmius  vel  nesciebat  vel  quod  hic  dicit  ad  eius  successorem  referebat,  quisquis  is  fuerit.  4)  Jo.  Wilhelmi  Saxonis  mercenarios.  5)  eo  consilio  ut  Grumbachio  et  Palatino  persuaderent  ut  aperte  protestantium  causam  amplecterentur.  Hotomanus  eo  tempore  de  coniuratione  La  Benaudii  certior  factus  fuisse  creditur.  Grumbachius  iam  a  Guisiis  in  suas  paries  conductus  fuit.  (Schmidt,  Sturm.  104.)  6)  Num  et  haec  ad  coniurationem?  7)  certissima  est  lo.  Sturmii  manus.