15:21  21  1554  FEBRUAR.  22  coniugii  leges  foedasset,  palam  plebem  ad  defectionem  solliciiasset  et  ea  flagitia  patrasset  quae  nonnulli  fuco  religionis  tecte  admisissent:  simplicitatem  et  ignorantiam  istam  mihi  venia,  non  morte  dignam  videri,  et  coertione*  alia  in  his  quam  illis  utendum:  non  sine  discrimine  ad  supplicium  omnes  ducendos.  Est  deinde  alia  ratio  cur  a  caede  abhorream  istorum.  Video  paucos  aliquot  posse  hoc  modo  tolli,  totas  civitates  minime  :  ego  vero  cuperem  tales  esse  leges  capitales,  quarum  rigor  non  acueretur  in  paucos,  obtunderetur  a  multitudine.  Puto  enim  nullam  esse  hoc  tempore  vel  principis  vel  reipublicae  rigiditatem  tam  inflexibilem  et  immitcm,  quae  tota  agmina  populorum  a  recepta  quacunque  religione  deflectentia  tentaret  gladio  exscindere,  iuris  et  magistratus  titulo,  non  armis  et  vi  aperta.  Nescire  etiam  homines  possunt  quae  momenta  resipiscentiae  cuique  erranti  sint  praefixa,  tollique  potest  non  exspectata  poenitentia  qui  propediem  non  oneri  sed  ornamento  ecclesiae  erat  futurus.  Plerique  enim  eo  sunt  ingenio  ut  duci  possint,  trahi  minime,  vidimusque  obriguisse  quosdam  ad  supplicii  mentionem,  qui  alioquin  non  erant  omnino  intractabiles.  Quod  Basiliensium  prudens  senatus  pervidens,  sic  se  ea  in  re  gessit  ut  nullus  quod  sciam  ob  religionis  capita  sui  capitis  poenas  dederit.  Aluerunt  conclusos  aliquamdiu  miseros  in  loco  opportuno  quo  aditiiB  esset  et  ministri^  et  aliis  bonis  viris  qui  humaniter  eos  ab  errore  revocarent.  Nos  etiam  crudelitate  exemplorum  perculsi  incipimus  mitescere.  Vides  etiam  quam  acerbe  et  tantum  non  armis  dimicatum  sit,  non  de  nucleo,  sed  testa  religionis,  in  nostris  clarissimis  rebuspublicis.  Caeremonias  intelligo  quarum  quaeque  suas  tanta  pertinacia  tuetur  ut  parum  absit  quin  foedera,  pax,  concordia  et  Christi  sanguine  obsignata  communio  ruant  et  Mars  canat  classicum  potius  quam  altera  alteri  cedat  aut  saltem  patiatur  eam  sua  uti  libertate.  Ut  quocunque  me  vertam  obtundendi  potius  quam  acuendi  magistratuum  gladii  videantur.  Musculus,  vir  ornatissimus,3)  narrat  Augustae  obstina  tissimos  Catabaptistas  aliquando  in  carcerem  coniectos  tantum  non  exspuisse  in  ministros  erroris  monitores,  canes,  porcos,  ventris  animalia  vocantes,  et  superbe  colloquium  recusantes:  victos  tandem  mansuetudine  et  humanitate  ministrorum,  toto  fere  biennio  calumnias  et  maledicentiam  patienter  ferentium,  sic  resipuisse  ut  unus  illorum  ecclesiae  diaconus,  alter  alioquin  bonus  civis  et  quietus  sit  effectus.  Ego  capitali  iudicio  Catabaptistarum  audivi  unum  ex  ordine  iudicum  redeuntem  a  loco  supplicii  et  spectaculo  tristi  dicentem:  miserum  illum  tranquilliore  animo  cervicem  lictori  praebuisse  quam  se  fu-  3)  Cf.  etus  ep.  ad  Blaurerum  infra  N.  191S,